Kyavalevi 19:18 - KITABU KITAKATIFU

¹⁸ Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Kyavalevi 19:18 ပူးပေါင်းရင်းမြစ်များ

Litanga 4:23

Lameki yavolera vakali veve, “Ada na Zila, muhuliri makuva gange: Inzi mali kwita muyaayi musoleri kigira yaanguya.

2 Samweli 13:22

Abisolomu siyavoola likuva ku Amunoni lilahi anoho lidamanu mba; Abisolomu yaduunyira Amunoni kigira yonogonyia mbozo weve Tamara.

2 Samweli 13:28

yalaga avatumikiri veve, “Huliri! Lwa Amunoni naave niyakanwa iwaini inyingi, kandi lwa nambane lilago, mu mwiti. Mutatia mba. Inzi ndadulwa mwene. Muve avaluviriri kandi mutalindagilira mba!”

Zaburi 103:9

Si azizagiliraa kogondokera avandu veve mba; kandi sialava nu vutima mihiga ni mihiga mba.

Kutwula 20:16

“Mutagina avatende vinyu mba.

Tsing'ano 20:22

Utitungila vudamanu mba. Suuvira Yahova na alakokoonya.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Matayo 19:16

Mundu mulala yaza ku Yeso, namuteeva, “Mwigizi mulahi, ngola ki ikilahi nduuki konyoora livamwoyo litahera mba?”

Matayo 19:19

Wizominyi baba woovo na mama woovo, kandi uyaanze umutende woovo kuli wiyanza umwene.”

Yohana 13:34

Kandi kalunu muheezaa lilago lihia: muyaanzane aveene naveene. Kuli wa inzi ndamuyaanza, munyi kandi muyaanzane ndio.

Vikolwa 16:28

Navuzwa Paolo yahanzuka nu mwoyo munene na avoora, “Uteekola kindu kidamanu mba. Kunyi kwosi koveeye hano.”

Varumi 12:17

Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 13:4

kigira, vaveeye vatumikiri va Nyasaye vatumika muduuki konyoora uvulahi. Navuzwa ivi niiva okolaa uvudamanu, ove nuvuti; kigira vaveeye nu vunyali vwu kuhaana amageri. Vaveeye vatumikiri va Nyasaye, navo vahaana mageri ga Nyasaye ku yavo avakolaa vudamanu.

Varumi 13:9

Kigira amalago yaga, “Utaheya mba; utiita mba; utiva mba; utakayirwa mba,” na agandi goosi, gazuganyiywi mu lilago lilala yili: “Uyaanze umutende woovo kuli wiyanza umwene.”

Vagalatia 5:14

Lilaga liosi liduukiziywi mu lilago lilala: “Uyaanze mutende woovo kuli wiyanza mwene.”

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Kwidzulitsa 32:25

Liihi lilaleeta likuza mu zinzira; litihiza linene lilavingilira mu zinyumba. Avayaayi na vakana valakuza; avana vadoto anaho avasaakulu sivalalekwa mwoyo mba.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Vakolosai 3:8

Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba.

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

Yakobo 2:8

Mulava ni mukoraa vulahi niiva mutia lilaga liu vwami kuli Amang'oda Matakatifu gavoora, “Uyaanze umutende woovo kuli wiyanza umwene.”

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Yohana 4:21

Lilaga lia Kristo amali kuha kunyi ni yili, “Mundu woosi uyanzaa Nyasaye kuduuka ayaanze amwavo weve kandi.”