Kyavalevi 19:16 - KITABU KITAKATIFU

¹⁶ Mutavoyavoya yiyi ni yiyi nimuvoora vovehi kwononyia lieta liu mundu wundi hagati ha avandu vinyu mba. Mutasingira kovora ikindu kinyala kogotiza livamwoyo liumutende lwaveeye mukiyaro mba, vooli lilolekiza linyala kumukonya. Inzi mbeeye Yahova.

Kyavalevi 19:16 ပူးပေါင်းရင်းမြစ်များ

Ayubu 17:5

Niiva mundu alazaama mulina weve aduuki konyoora mabese, avana veve valanyora uvudinyu.

Zaburi 101:5

Ndatuliza ho uyu uginaa mutende weve vudamanu muvwivisu; Sindikuzira ku mundu oveeye nuluyayi kandi mwigingiri mba.

Zaburi 15:3

ni uyu utaveeye na makuva gu kovehera avandi mba. Kandi siakoleraa avalina veve uvudamanu mba, anoho siavolaa makuva gu vugadi ku vatende veve mba.

Zaburi 50:20

Muveeye avetegeku kuyara avamwavo vinyu, nu kwenyeleriza amahiolo kuvo.

Kutwula 20:16

“Mutagina avatende vinyu mba.

Kutwula 23:1

“Utalandiza amakuva govovehi mba, kandi utakonya mundu mudamanu kuhaana lilokekiza lio vovehi mba.

Kutwula 23:7

Utavoola amakuva guvugadi mba kandi utiita mundu utaveeye nimbala kandi mulungi mba, kigira ndakalagira woosi okola kindu kidamanu kuli yiki.

Tsing'ano 10:18

Uyu uvisaa lidunyira lilie aveeye muvehi; na oyo ulandizaa makuva gavuzwa aveeye musiru.

Tsing'ano 11:13

Mundu wizimbemba sianyala kovoolelwa agimbisu mba, navuzwa anyala kusuuvira oyo unyala kusuuvilwa.

Tsing'ano 20:19

Makuva ga vuzwa sigaveeye nimbisu mba. Welehe ku vandu vamoloma makuva gu vusiru.

Jeremia 6:28

Vaveeye vosi avibaali vahindagirizi, avadinyu kuli mugasa nikivia. Vosi vaveeye avuvwoneku vazizaa yiyi nayiyi nivalandiza vovehi.

Jeremia 9:4

Mugelihi ku avalina vinyu; mutasuuvira avamwavo vinyu mba. Vuli amwavo aveeye umuvehi, kandi vuli mundu aginaa nu mulina weve.

Ezekieli 22:9

Valala kumunyi vavoola ovovehi kigira vandu, vandi, kunangwa vaduuki kwitwa. Valala kuvo valiza visiuviliru vihaaniywi ku vifananyi. Valala vaduukiza liegomba liavo liumuviri vuli ing'inga.

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Kwidzulitsa 27:25

“ ‘Alaamwe oyo uvugura viambiti yiiti mundu utaveeye na mahiolo.’ “Avandu vosi valavoora, ‘Amini!’

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Samweli 24:10

Unyala kololera ndi ulwene yilu noveeye muluhangaywa, Yahova akuviiki mu zinguru ziange. Valala ku vandu vange vamboleeye ngwiti, navuzwa ngovererera kandi nimbora ndi sindakusaliriza munzira yoosi mba, kigira ivi niyie wa Yahova yatovola kuva mwami.