Kyavalevi 19:14 - KITABU KITAKATIFU

¹⁴ Mutalaama mundu wahana matu kandi mutaviika kindu chu kwikagitiliza imbiri wu muvoku mba navuzwa mutie Inzi. Inzi mbeeye Yahova Nyasaye winyu.

Kyavalevi 19:14 ပူးပေါင်းရင်းမြစ်များ

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Kyavalevi 19:32

“Mutie vasakulu kandi muhaane luyali kuvo. Mutie inzi, Inzi mbeeye Yahova winyu.

Kyavalevi 25:17

Mutagaada Avisiraeli vache mba; navuzwa mutie Inzi Yahova Nyasaye winyu.

Varumi 12:14

Mugasize yavo vamudambiza; muvagasizi, kandi mutavalaama mba.

Varumi 14:13

Kunangwa, kutakalagira vandu vandi mba. Navuzwa mu vogono yivwo, kuduuka mutovole kuvula kokora kindu kinyala kolomba amwavo woovo yikigitali anoho agwi muvwoni mba.

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

Kwidzulitsa 27:18

“ ‘Alaamwe oyo wimiliraa umuvoku kogota kunzira.’ “Avandu vosi valavoora, ‘Amini!’

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.