Kyavalevi 19:13 - KITABU KITAKATIFU

¹³ “Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 19:13 ပူးပေါင်းရင်းမြစ်များ

Ayubu 17:5

Niiva mundu alazaama mulina weve aduuki konyoora mabese, avana veve valanyora uvudinyu.

Ayubu 31:39

niiva mali kulia viukulia viatagwa mu, vugira kutunga mitungu javio nokokola avalimi vene milimi yijo vakuzi ni inzara,

Ayubu 7:2

Kandi liveeye kuli muhambe uwegombaa kuva mu chiriri kandi kuli muyinziri alindiliraa kutungwa mitungu ju vuyinziri.

Kutwula 20:15

“Mutiiva mba.

Kutwula 22:13

Niiva gwitwa nizinyama ziu muvulimu, mundu oyo kuduuka alaleeta vidonye viatigala kuva kimanyiru; sialenyeka atuungi chi zinyama ziu muvulimu zimali kwita mba.

Kutwula 22:15

Navuzwa niiva yaga galakoleka mwenegwo naveeye ho, mundu wegoba sialatunga mwenegwo mba. Niiva mutugu zana gwatungwa kigira vutumiki, ligotiza liagwo litatuungirwa mu mitungu juvutumiki javatunga.

Kutwula 22:21

“Mutadambizi anoho kokolera mugeni uvudamanu mba, kigira kali na munyi mwaali avageni mu kivala cha Egebeti.

Kutwula 22:7

“Niiva mundu avugiliraa kulindira uwache amabese anoho vindu vindi viuvuguli ma vivwi kutura munyumba yeeye, niiva mwivi oyo alanyooleka, alatungaa haali kaviri.

Tsing'ano 20:10

Yahova adunyiraa vandu vaatumikira vigelo viu vugadi.

Tsing'ano 22:22

Utanula mudaka kigira aveeye mudaka mba, anoho utavadambiza mu kiyaalo mba.

Tsing'ano 3:28

Utavoolera mutende wowo alindi kuduuka mugamba niiva unyala kumukonya lwene yilwo mba.

Jeremia 22:13

O, vayaayi, kivi keveeye ku mundu wumbakaa inyumba yeeye ni likalaga litaveeye lirungi, kandi wumbakanga kuyo zigorofa uvusuuvirifu. Mundu oyo akolaa avandu kuyinzira vugira kumuha amadanyi kandi si avaheezaa mitungu jaavo mba.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Kyavalevi 25:14

Kunangwa, lwa mugulizira Muisiraeli wache milimi, anoho muguli milimi kutura kuvo, mutadambizani mba.

Kyavalevi 25:17

Mutagaada Avisiraeli vache mba; navuzwa mutie Inzi Yahova Nyasaye winyu.

Kyavalevi 6:3

Anoho namali konyoora chagota kandi agaade ndi siyakenyooye mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 20:8

“Lwa gwaduuka mugolova, umwene kizabibu yavolera mulindi wi vindu vivie, ‘Langa avayinziri, uvatungi mitungu jaavo. Utangiri ku avasamuyi inyima, kuduuka ku avaari vukutanga.’

Marko 10:19

Wamanya amalago: ‘Utiita mba; utaheya mba; utiva mba; utagina mba; utagaanga mba; utaveeha mba, uhuliri baba woovo na mama woovo!’ ”

Luka 3:13

Naye yavavolera, “Mutasolola vusuuru kuvita kegero chalagwa mba.”

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.