Kyavalevi 18:21 - KITABU KITAKATIFU

²¹ Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Kyavalevi 18:21 ပူးပေါင်းရင်းမြစ်များ

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

1 Avami 11:7

Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 17:31

Avandu va Ava valomba vifananyi via Nibuhazi na Taritaka; na avandu va Sefarivaimu vahaana avana vaavo kuli visiuviliru viu kusambwa ku vanyasaye vaavo Adurameleki na Anameleki.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 23:37

Vamali kokora ovoheyi kandi vamali kwita. Vaakora ovoheyi ni vifananyi viavo; kali vamali kuhaana vana vange kuva visiuviliru ku vifananyi viavo.

Kyavalevi 19:12

Mutisuuhi liesuuha liuvugadi ku lieta liange nokwononyia lieta liange mba. Inzi mbeeye Yahova, Nyasaye winyu.

Kyavalevi 21:6

Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Kyavalevi 22:2

volera Haruni na avana veve vayaayi, “Muhaane luyali ku vihaanwa ivitakatifu via avandu va Isiraeli vaviika halovega kigira Inzi, kunangwa vavuli kwonogonyia lieta liange litakatifu inzi mbeeye Yahova.

Kyavalevi 22:32

Mutaleeta zisoni ku lieta liange litakatifu mba. Avandu vosi va Isiraeli kuduuka vamanye ndi inzi mbeeye Mutakatifu. Inzi mbeeye Yahova umutakasaa.

Kyavalevi 24:15

Maku ovoolere avandu va Isiraeli vosi ndi umundu woosi onyegaa Nyasaye weve kuduuka anyoore mageri,

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

Amosi 5:26

Navuzwa mumali kusigamira vifananyi via Sakuzi, umunyasaye munene, kandi. Kaivani, umunyasaye we eng'ereng'ani, avamwelombera munyi aveene.

Mika 6:7

Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange?

Malaki 1:12

Navuzwa munyi simuhaanaa luyali ku inzi lwa muvooraa ndi vwali vwange sivoveeye kindu, kandi lwa muhaaniraaku viukulia vioneka.

Vikolwa 7:43

Munyi mwagingaa lihema liu munyasaye Moleki, kandi kifananyi che eng'ereng'ani yu munyasaye winyu Rafani. Vifananyi via mwalomba nivio via mwasigamira. Ku lwa yago, inzi ndamuhaminya muzie mu kivala ihale kuvita Babiloni kuva yo avatugwa!’

Varumi 1:23

mu vogono vwu kusigamira Nyasaye uhindiraa mihiga ni mihiga, vasigamira nukukuminya vifananyi vialombwa vive mu liiva liu mundu ukuza anoho vifananyi via manyonyi, zinyama anoho zinzoka.

Varumi 2:24

Mang'oda Matakatifu gavoora, “Avandu vizihiiri vanyega Nyasaye kigira munyi Avayuda!”

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Kwidzulitsa 18:10

Mutahaana avana vinyu kuva kisiuviriru chukusambwa mu muliru ku vwali vwinyu mba; kandi mutaleki avandu vinyu vakole uvusigitiri mba anoho kohenza zingavi zindamanu,