Kyavalevi 17:15 - KITABU KITAKATIFU

¹⁵ Mundu woosi ulia inyama imali kukuza yene anoho yi inyama yindi yu muvulimu yiiti, kuduuka afuuyi zinguvu zizie kandi yisingi na alava mudamanu kuduuka hamugorova.

Kyavalevi 17:15 ပူးပေါင်းရင်းမြစ်များ

Kutwula 22:30

Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 22:31

“Munyi muveeye avandu vange vatakase. Kulwayago, simulalia inyama yumutugu gwosi gumali kwitwa nizinyama ziu muvulimu mba, zinyama yizio muhaane ku zimbwa zilie.

Ezekieli 4:14

Maku ndaamutivulira, “Ah Mwami Munene Yahova! Inzi sindayeyononyia ku kali hakuzu mba. Kutura mu vosooleri vwange kuduuka kalunu ndi, inzi sindaalia ku kindu choosi chaakuza anoho ichiitwa ni zinyama ziu muvulimu mba, anoho si ndaaliaku inyama yukuvihiririza mba.”

Ezekieli 44:31

Avasaalisi sivalalia linyonyi liosi anoho inyama yoosi ikuzi yene anoho inyama imali kwitwa ni inyama yindi yu muvulimu mba.”

Kyavalevi 11:24

“Mulava avadamanu nivamudiira ku miviri mikuzu javio. Mulava avadamanu kuduuka ha mugolova.

Kyavalevi 11:25

Mundu woosi ugingaa kedonye chu muviri mukuzu gwavio, alafuyaa zinguvu zizie mwene, kandi alava mudamanu kuduuka hamugorova.

Kyavalevi 11:27

“Ku zinyama ziosi zie virenge vine, zigenda ku makumbu, ziveeye zindamanu. Mundu woosi udiira ku miviri mikuzu jazio alava mudamanu kuduuka hamugorova.

Kyavalevi 11:28

Mundu woosi ugingaa miviri mikuzu ji zinyama yizio, alafuuya zinguvu zizie mwene, kandi alava mudamanu kuduuka hamugorova; kigira ziveeye zidamanu ku munyi.

Kyavalevi 11:31

Ku viosi vimolaa kumalova, yizi nizio zivalizwa kuva zindamanu. Mundu woosi udiira kuzio alava mudamanu kuduuka hamugorova.

Kyavalevi 11:32

Niiva miviri jazio mikuzu jiladiira ku kindu choosi, kilava kidamanu kuduuka hamugorova, nikiva kiju choosi chavazwa ku musaala, inguvu, liseero, anoho ligunia, kali keve kiju chi miyinzi josi, kilava kidamanu. Kuduuka kiinwi mu mazi, navuzwa kilava kidamanu kuduuka hamugorova.

Kyavalevi 11:39

“Niiva ndala ku zinyama zia mwavugilirwa kulia ilakuza, mundu woosi udiira ku muviri mukuzu gwayo alava mudamanu kuduuka hamugorova.

Kyavalevi 11:40

Mundu woosi uva nalia ku inyama yu muviri mukuzu zana, kuduuka afuuyi zinguvu zizie, na alava mudamanu kuduuka hamugorova. Na uyu kandi ugingaa muviri yigu, alafuuya zinguvu zizie, navuzwa alava mudamanu kuduuka hamugorova.

Kyavalevi 15:10

Mundu woosi udiira ku kindu choosi cha oyo wikisununu yikala ku, alava mudamanu kuduuka hamugorova. Mundu woosi ugingaa kindu choosi chu mundu wikisununu yikala ku, kuduuka afuuyi zinguvu zizie kandi yisingi mu mazi, na alava mudamanu kuduuka hamugorova.

Kyavalevi 15:21

Mundu woosi udiira ku kidali chiche alafuuya zinguvu zizie kandi alava mudamanu kuduuka hamugorova.

Kyavalevi 15:5

Mundu, woosi udiira kukidali chiche kuduuka afuuyi zinguvu zizie kandi yisingi namazi, na alava mudamanu kuduuka hamugorova.

Kyavalevi 22:8

Sialalia inyama ikuzi yene anoho yitiywi ninyama yumbulimu mba. Ilamukola mudamanu. Inzi mbeeye Yahova.

Kyavalevi 7:24

Itinya yi inyama ikuzi yene anoho yi inyama yindi yumbulimu yaakwita italiivwa mba; navuzwa inyala kutumikirwa ku muyinzi gundi gwosi.

Livalidza 19:19

Ku lidiku lia kavaga nu kulidiku lia saba, mundu oveeye musereeze aluhila mundu oveeye mudamanu mazi. Alatakaswa kulidiku lia saba namali kufuuya zinguvu zizie no kwisundulira mazi, na alava musereeze lwi liuva liyera.

Livalidza 19:21

Gamuduukira mulindi malago mu zing'inga ziza. Mundu wuhaa mazi gu kwitakasa gamuduukira afuuyi zinguvu zizie, na uyu udiira ku mazi yaga alava mudamanu kuduuka ha mugolova.

Livalidza 19:8

Umundu usambaa kemoli gamuduukira kandi afuuyi zinguvu zizie, kandi yisundulili amazi, navuzwa alava kandi mudamanu kuduuka ha mugolova.

Kwidzulitsa 14:21

“Mutalia inyama ya munyoora nikuzi iyeene mba. Munyala kuhaana kuavageni vamenya hagati hinyu valie; anoho munyala kugulizira avageni vandi. Navuzwa munyi muveeye avandu va Yahova Nyasaye winyu. “Mutasinzi kememe chimbuli anoho ligondi nikinuuna mba.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.