Kyavalevi 16:31 - KITABU KITAKATIFU

³¹ Lidiku yilio lilava lidiku litakatifu ligali, lilara lisabato, liokohonga lilia kandi lia mutakola miyinzi josi mba. Malago yaga galalondwa kazozo.

Kyavalevi 16:31 ပူးပေါင်းရင်းမြစ်များ

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Kutwula 31:15

Muveeye na madiku sita gokokola miyinzi jinyu, navuzwa lidiku lia saba lilava lidiku linene liatakasirwa inzi Yahova. Mundu woosi okola miyinzi josi ku lidiku yili, adukanaa yiitwi.

Kutwula 35:2

Munyi muveeye na madiku sita gokokola miyinzi jinyu, navuzwa lidiku lia saba, mulikole kuva litakatifu, liveeye lisabato lio kohonga ku Inzi, Yahova. Mundu woosi okola miyinzi ku lidiku yilio, aliitwa.

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Kyavalevi 23:32

Kutura hamugorova gwi lidiku lia tisa kuduuka hamugorova gwi lidiku lielikomi liumweli zana, mulaliinda lidiku yili kuli lidiku lidukiru liokososa. Ing'inga yiyi, umundu atalia ikindu choosi mba.”

Kyavalevi 25:4

Navuzwa muhiga gwa saba gulava muhiga gwi lisosa liekivala, muhiga gwaviikwa ku makono kigira Lisabato liange. Mutataaga milimi jinyu kandi mutahalulira mizabibu jinyu mba.