Kyavalevi 16:27 - KITABU KITAKATIFU

²⁷ Igiriki ni imburi, viatumikirwa kigira kihanwa chu uvwoni, via masahi gavio galeetwa havundu Hatakatifu ligali kutuliza ho uvwoni, vilahirwa chova wa hokososa nu kusambwa. Kesero, inyama na mala vilasambwa.

Kyavalevi 16:27 ပူးပေါင်းရင်းမြစ်များ

Kyavalevi 4:21

Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Kyavalevi 6:11

Ahene yaho alatuliza zinguvu zizie nukwivika zinguvu zindi, kandi alagiinga ligoke nukulihila ichova wa hokososa havundu haveeye halahi kolondekana nu muruka gwi idini.

Kyavalevi 6:23

Vihaanwa viosi viuvuswage viumusaalisi ahaanaa vilasambwa viosi. Sivilaliivwa mba.

Kyavalevi 6:30

Navuzwa, niiva malala ku masahi gi kihanwa chu vwoni galeetwa mu Lihema ma gatumikirwi kolomba chukwogiza uvwoni, inyama yeyo italiivwa mba. Ilasambwa ku muliru.

Kyavalevi 8:17

Yavugula igiriki yaatigara yoosi, harara ne kesero, inyama yayo, nivindu viumunda komeeda ku mala naavisambira ichova wa hokososa kuli Yahova yaali nalagi.