Kyavalevi 16:24 - KITABU KITAKATIFU

²⁴ Kuduuka yisingiri havundu hatakatifu, ma yiviiki zinguvu zizie mwene. Inyima wa yaga, alatula kuzia ichova kuhaana kihanwa chukusambwa kutulizaho uvwoni vwivwe kandi uvwoni vwa avandu.

Kyavalevi 16:24 ပူးပေါင်းရင်းမြစ်များ

Kutwula 28:40

“Olombere avana va Haruni masadi, misibi kandi zikofia vaduuki konyoora vukumi kandi valoreke vulahi.

Kutwula 28:41

Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Ezekieli 42:14

Lwa avasaalisi vamali kuva mu Litembeli, kandi venya kuzia mu mugizi gwi ichova, kuduuka valeke mu ving'oze yivi zinguvu zindakatifu ziavivikaa lwavatumikiraa Yahova. Kuduuka viviki zinguvu zindi nivakikiri kuzia ichova havundu havandu vivungizaa.”

Kyavalevi 14:9

Ku lidiku lia saba, alavega liisu ku mutwi gwigwe gwosi, zinderu zizie, vigohe vivie, kandi liisu liu kumuviri gwigwe liosi. Kuduuka afuuye zinguvu zizie ziosi, ma yisingi na alava mulahi.

Kyavalevi 16:25

Alasamba itinya yi kihanwa chu vwoni ku uvwali.

Kyavalevi 22:6

Musaalisi woosi uva naagwiyi mudamanu alava mudamanu kuduuka hamugorova; kandi kali ndio sianyala kulia ku vihaanwa ivitakatifu mba, kuduuka lwava mulahi.

Kyavalevi 9:7

Maku Musa yavolera Haruni, “Wisundi ku uvwali uhaane kihanwa chicho chu uvwoni, nikihaanwa chicho chu kusambwa kiduuki kutulizaho uvwoni vuvwo kandi uvwoni vwa avandu. Uhaane kihanwa yiki kutulizaho uvwoni vwa avandu, kuli Yahova yalaga.”

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.