Kyavalevi 16:15 - KITABU KITAKATIFU

¹⁵ Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 16:15 ပူးပေါင်းရင်းမြစ်များ

Kyavalevi 16:2

Yahova yavolera Musa, “Volera amwavo woovo Haruni ndi ni ku ing'inga idukanaa iyanyala kwingira inyima wi isuuka ikingaa havundu hatakatifu ligali, kigira niho ha inzi ndolekaa mu malesi igulu wi kikuniku keveeye ku Lisandugu lia malago; niiva sialahulira mba, aliitwa.

Kyavalevi 4:21

Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Kyavalevi 4:5

Kunangwa, musaalisi Munene zana alavugula ku masahi gekemoli kigiriki zana ma agaleete mu Lihema.

Livalidza 17:11

Musa yakola kuli Yahova yamulaga.

Livalidza 28:15

Komeeda ku kihanwa cha vuli lidiku, chu kusambwa harara ni kihanwa chiwaini, vahane kememe chimbuli kuli kihanwa chu vwoni.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 5:3

Kigira oyo mwene aveeye mudedekere, gamudukira ahaane visiuviliru kigira vwoni vwivwe mwene, kandi kigira vwoni vwa vandu.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Vahebraina 9:13

Amasahi gi zimburi na gi zigiriki kandi ligoke lie vimoli viukusambwa viuhwa ku vandu vaveeye vadamanu kolondekana numwima gwi vindu yivi vivatakaasa nukutulizaho uvudamanu vwavo kolondekana numwima.

Vahebraina 9:3

Inyima wi Isuuka yu kukinga ya kaviri haali ni Lihema lialangwa Hatakatifu Ligali.

Vahebraina 9:7

navuzwa Musaalisi Munene yenyine niyie yingiraa mu Lihema liakaviri liu mugati. Yakola ndio ing'inga ndala vuzwa ku muhiga. Yingiraa mu na masahi, aga yahaana ku Nyasaye kigira oyo mwene, kandi kigira vwoni vwa vandu vaakora vugira kumanya.