Kyavalevi 15:5 - KITABU KITAKATIFU

⁵ Mundu, woosi udiira kukidali chiche kuduuka afuuyi zinguvu zizie kandi yisingi namazi, na alava mudamanu kuduuka hamugorova.

Kyavalevi 15:5 ပူးပေါင်းရင်းမြစ်များ

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Zaburi 51:2

Onzogize uvudamanu ligali, na undakase kutura muvwoni vwange.

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 22:14

Mwami munene, Yahova Wuvunyali mwene yamoloma ku inzi navoora, “Ligali avandu yava sivalasamifwa vudamanu vwavo lwa vakikiri mwoyo mba. Inzi Mwami munene Yahova Wuvunyali mali kovora.”

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Ezekieli 36:29

Ndakamuhonyie kutura ku vudamanu vwosi. Ndahaana viukulia vinyingi ku munyi na si mulava ninzara kandi mba.

Kyavalevi 11:24

“Mulava avadamanu nivamudiira ku miviri mikuzu javio. Mulava avadamanu kuduuka ha mugolova.

Kyavalevi 11:25

Mundu woosi ugingaa kedonye chu muviri mukuzu gwavio, alafuyaa zinguvu zizie mwene, kandi alava mudamanu kuduuka hamugorova.

Kyavalevi 11:28

Mundu woosi ugingaa miviri mikuzu ji zinyama yizio, alafuuya zinguvu zizie mwene, kandi alava mudamanu kuduuka hamugorova; kigira ziveeye zidamanu ku munyi.

Kyavalevi 11:32

Niiva miviri jazio mikuzu jiladiira ku kindu choosi, kilava kidamanu kuduuka hamugorova, nikiva kiju choosi chavazwa ku musaala, inguvu, liseero, anoho ligunia, kali keve kiju chi miyinzi josi, kilava kidamanu. Kuduuka kiinwi mu mazi, navuzwa kilava kidamanu kuduuka hamugorova.

Kyavalevi 13:34

Ku lidiku lia saba, musaalisi alamuhenzeliza kandi, na niiva halwaala zana sihalaandi kandi sihayavuguki kuvita ligodo lihakumbirizi, alamulandiza kuva mulahi. Mundu oyo alafuuya zinguvu zizie kandi naye alava mulahi.

Kyavalevi 13:6

Musaalisi alamuhenzeliza kandi ku lidiku lia saba, niiva livondo limali kuniara, kandi sililandi mba, musaalisi alamulandiza kuva mulahi kolondekana ni miima. Mundu oyo alafuuya zinguvu zizie na ave mulahi kolondekana ni miima jidiini.

Kyavalevi 14:27

Musaalisi aluuha ne kedete chiche kilungi malala ku masahi gaveeye ku kigalo chiche kemosi haali saba imbiri wa Yahova.

Kyavalevi 15:18

Inyima wumusaza kuva harara numukali, kuduuka vombi visingi na mazi, na valava vadamanu kuduuka hamugorova.

Kyavalevi 15:4

Kidali choosi chayikala ku anoho cha agona ku, keveeye kidamanu.

Kyavalevi 15:6

Mundu woosi wikala ku kindu choosi chu mundu oyo yikala ku, alafuuya zinguvu zizie nukwisinga mazi na lava mudamanu kuduuka hamugorova.

Kyavalevi 16:26

Mundu wahila imburi mwigendanyama ku Azazeli, kuduuka afuuyi zinguvu zizie kandi yisingi nakikiri kwingira hokososa.

Kyavalevi 16:28

Oyo uvisamba kuduuka afuuyi zinguvu zizie kandi yisingi nakiri kwirana hokososa.

Kyavalevi 17:15

Mundu woosi ulia inyama imali kukuza yene anoho yi inyama yindi yu muvulimu yiiti, kuduuka afuuyi zinguvu zizie kandi yisingi na alava mudamanu kuduuka hamugorova.

Livalidza 19:10

Umundu uvungiza ligoke yili gamuduukira afuuyi zinguvu zizie, navuzwa alava mudamanu kuduuka hamugorova. Lilago yili lilava ho ku ing'inga yiza ku vandu va Isiraeli vosi harara na vageni vamenyi hagati haavo.

Livalidza 19:22

Kindu choosi chu mudamanu adiira ku kilava kidamanu. Kandi mundu wundi udiira kucho alava mudamanu kuduuka hamugorova.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.

1 Samweli 20:26

navuzwa Saolo siyaavoola kindu lidiku yilio mba; kigira yaganagana, “Hawundi kindu chekoleki kuye; ma siaveeye mutakase mba.”