Kyavalevi 14:14 - KITABU KITAKATIFU

¹⁴ Musaalisi alavugula ku masahi ge kememe chi ligondi ekeveeye kihanwa chu uvwoni nu kugavaka ku gutu gwu mukono mulungi, nokokedete kenene chu mukono mulungi, nokokeno kenene chekerenge kilungi cha mundu wenya kulandizwa kuva mutakase.

Kyavalevi 14:14 ပူးပေါင်းရင်းမြစ်များ

Kutwula 29:20

Usinzi ligondi yili na uvuguli amasahi galio kugaviika kosonga yu gutu gwu mukono mulungi gwa Haruni na vayaayi veve, ku videte vinene via makono gaavo gu mukono mulungi kandi ku vino vinene vie virenge vilungi. Wuhi amasahi gatigaye ku zikona ziosi zine ziu vwali.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Kyavalevi 14:19

Maku, musaalisi alahaana kihanwa chu uvwoni nokolombera mundu oyo muruka gwu kusamiha uvwoni. Inyima wa yago, alasinza kihanwa chukusambwa

Kyavalevi 14:25

Musaalisi alasinza kememe na vuguli malala ku masahi zana agavake ku gutu gwu mukono mulungi gwu mundu oyo, nokukedete kenene chu mukono gwigwe mulungi nokokeno kenene chekerenge kilungi.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Kwidzulitsa 24:8

“Lwa mulwaala vulwaye vwo ovogere, muve nagiligali kokora aga avasaalisi vi ihiiri ya Levi vamuvolera. Londa amigizu ga mali kumuha.

Vafilipi 1:20

Ilikayirwa ni lisuuvirizwa liange linene liveeye ndi, inzi mburi kwononya miyinzi jange, navuzwa vuli kazozo mbitilira kalunu ndakave nu vuluviliri ligali, kunangwa mu liiva liange liosi ndakaleete uvukumi ku Kristo, kali niiva ndava mwoyo anoho nguzi.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.