Kyavalevi 14:12 - KITABU KITAKATIFU

¹² Maku musaalisi alavugula kilala ku vimeme vimigu harara nekedonye kilala ku vivaga chi liita ya maguta, nokuvihaana kuli kihanwa chu kutuliza uvwoni; alakihaana kuli kihanwa chagimwa imbiri wa Yahova kigira musaalisi.

Kyavalevi 14:12 ပူးပေါင်းရင်းမြစ်များ

Kutwula 29:22

“Ukale ikivana chi ligondi limigu, ikivana chu musembe, ikivana kifumaa ivindu viu munda, inyama indahi yingudumani, izimbigu ziviri ni kivana keveeye kuzio, kandi kinama kilungi.

Kutwula 29:24

Uviiki iviukulia yivi viosi mu makono ga Haruni na vayaayi veve, kandi uvavoolere vaviviki halovega kuva ikihaanwa lehagimwa.

Kutwula 29:26

“Uvuguli ikididimo chi ligondi yili ukiviiki halovega kigira inzi kuva ikihaanwa lehagimwa. Ekedonye yiki kilava ichicho.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Kyavalevi 14:10

Ku lidiku lia munane, kuduuka aleete vimeme via magondi mamigu viviri vugira imbara ne kememe kisuveni chu muhiga mulala vugira imbara, zikilo zivaga ziuvusie vuzuganyiywi mu maguta ga muzeituni, kandi kedonye kilala ku vivaga chi liita ndala ya maguta ga muzeituni.

Kyavalevi 14:11

Musaalisi zana alaleeta mundu oyo harara ni vindu yivio imbiri wa Yahova, ha vwingiliru vwi Lihema liu kuvuganira mu na Yahova.

Kyavalevi 14:19

Maku, musaalisi alahaana kihanwa chu uvwoni nokolombera mundu oyo muruka gwu kusamiha uvwoni. Inyima wa yago, alasinza kihanwa chukusambwa

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.