Kyavalevi 11:45 - KITABU KITAKATIFU

⁴⁵ Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kyavalevi 11:45 ပူးပေါင်းရင်းမြစ်များ

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 19:6

avandu vaveeye avatakatifu vange, na mulandumikira kuli avasaalisi.”

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 22:30

Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 11:46

Yili nilio lilaga ku zinyama, na manyonyi kandi viosi viveeye mwoyo mu mazi, na viosi vigenda kumalova.

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 19:36

Mutumikiri vigero viagiligali, zikilo ziagiligali kandi vibimu viagiligali. Inzi mbeeye Yahova Nyasaye winyu, wamutuliza mu kivala cha Egebeti.

Kyavalevi 20:7

Kunangwa mwitakase munyi vene kandi muve avatakatifu, kigira Inzi mbeeye Yahova Nyasaye winyu.

Kyavalevi 22:33

Inzi ndamutuliza mu kivala cha Egebeti nduuki kuva Nyasaye winyu. Inzi mbeeye Yahova.”

Kyavalevi 25:38

Inzi mbeeye Mwami Nyasaye winyu wamutuliza mu kivala cha Egebeti, kunangwa nduuki kumuha kivala cha Kanaani kandi mbe Nyasaye winyu.

Kyavalevi 26:45

Ndalomba vuhia lilagana liange lia ndali ndalomba na vaguuga vaavo, lwa ndamanyia zihiiri ziosi zinguru ziange lwa ndaleta avandu vange vatuli Egebeti, kunangwa Inzi Yahova nduuki kuva Nyasaye wavo.”

Livalidza 15:40

Kunangwa uvuyusi yivu vulamwizuliza kugumira malago gange, kandi mulava vatakatifu ku inzi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

Joshua 24:19

Joshua yavolera avandu zana, “Navuzwa mutaganagani ndi voveeye vodoto kutumikira Yahova mba. Aveeye Nyasaye Mutakatifu. Yenya mumusigamiri yeng'ine. Niiva musigamira avanyasaye vandi, sialamusamiiha uvwoni vwinyu mba.

1 Petro 1:16

Mang'oda matakatifu gavoora, “Muve avatakatifu kigira inzi mbeeye mutakatifu.”

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”