Kyavalevi 11:44 - KITABU KITAKATIFU

⁴⁴ Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 11:44 ပူးပေါင်းရင်းမြစ်များ

Zaburi 99:5

Mwizominye Yahova, Nyasaye wiitu. Musigamiri imbiri wendeve yeeye yu vwami! Aveeye mutakatifu!

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Kutwula 16:12

“Mali kuhulira lielilira lia avandu va Isiraeli. Vavoolere ndi hamugorova, liuva niliyeraa, valalia inyama na mugambazuri valanyora migadi josi ja venya. Maku valamanya ndi, Inzi Yahova, mbeeye Nyasaye wavo.”

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 19:6

avandu vaveeye avatakatifu vange, na mulandumikira kuli avasaalisi.”

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 22:30

Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 22:31

“Munyi muveeye avandu vange vatakase. Kulwayago, simulalia inyama yumutugu gwosi gumali kwitwa nizinyama ziu muvulimu mba, zinyama yizio muhaane ku zimbwa zilie.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 11:43

Mutekoli avadamanu ku lilia zinyama zimolaa mba, anoho zigenda ku virenge vine kumalova, anoho muteyonogonyi nazio mba, gase mulava avadamanu.

Kyavalevi 18:2

avolere avandu va Isiraeli, “Inzi mbeeye Yahova Nyasaye winyu.

Kyavalevi 19:10

Mutiranira kuvitira mu vizabibu vienyu kuvungiza makuyu galekwa anoho kodoola makuyu gamali kwaguluka mba; mugalekere vadaka na vageni. Inzi mbeeye Yahova, Nyasaye winyu.

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Kyavalevi 19:4

“Mutagirung'ana kuzia kusigamira vifananyi mba, kandi mutelomberi avanyasaye ku vivia nukuvisigamira mba. Inzi mbeeye Yahova, Nyasaye winyu.

Kyavalevi 20:26

Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

Kyavalevi 20:7

Kunangwa mwitakase munyi vene kandi muve avatakatifu, kigira Inzi mbeeye Yahova Nyasaye winyu.

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Amosi 3:3

Avandu vaviri vanyara kogenda harara nivatavungirani?

Livalidza 15:40

Kunangwa uvuyusi yivu vulamwizuliza kugumira malago gange, kandi mulava vatakatifu ku inzi.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

Joshua 24:19

Joshua yavolera avandu zana, “Navuzwa mutaganagani ndi voveeye vodoto kutumikira Yahova mba. Aveeye Nyasaye Mutakatifu. Yenya mumusigamiri yeng'ine. Niiva musigamira avanyasaye vandi, sialamusamiiha uvwoni vwinyu mba.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 22:11

Leka oyo okolaa vudamanu ameede kokora vudamanu ligali. Leka oyo oveeye ni kivihiri ameede kokora kivihiri. Leka oyo okolaa vulahi ameede kokora vulahi. Leka oyo oveeye mutakatifu ameede kuva mutakatifu.”

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”