Kyavalevi 10:15 - KITABU KITAKATIFU

¹⁵ Kinama chinyima chahaanwa ninyama yindasi kuduuka viletwe harara ni itinya yi vihaanwa vihaaniywi kumuliru ku Yahova kuli vihaanwa vie chukulia. Vilava vivio na avana vovo mihiga ni mihiga kuli Yahova yalaga.”

Kyavalevi 10:15 ပူးပေါင်းရင်းမြစ်များ

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 17:13

Vuli mulala kuduuka akevwe, kandi yiki kilava kelolero chu muviri kumanyia ndi lilagana liange ni munyi liveeye limihiga ni mihiga.

Litanga 17:17

Aburahamu yinama hasi mamumama, navuzwa yaatanga koseka lwayaganaganyia ndi, “Umundu musaza anyala konyoora mwana lwaveeye ni mihiga 100? Sara anyala konyoora mwana naveeye ni mihiga 90?”

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Kutwula 29:27

“Lwu umusaalisi atakaswaa, ikididimo harara ni kinama chi ligondi limigu kitumikirwa mu litakaswa vilatakaswa kuva kihanwa clehagimwa, na vilaviikwa halovega kulwa vasaalisi.

Kutwula 29:28

Yili lilaga liange litagirung'ana mba, lwa vandu vange vahaana kihanwa chimirembe, inyama yi kididiimo harara ni kinama viveeye via vasaalisi. Yiki ni kihanwa cha vandu ku inzi, Yahova.

Kyavalevi 2:3

Uvusie vutigaye vwosi vulava vwa avasaalisi; keveeye kitakatifu ligali kigira kituli ku chukulia kihaaniywi ku Yahova, chukusambwa nu muliru.

Kyavalevi 3:17

Mundu wa Isiraeli woosi atalia ku itinya anoho masahi mba. Yili ni Lilago lia vandu va Isiraeli vosi vaduukana valindi madiku goosi havundu hoosi ha vava nivamenyi.

Kyavalevi 7:34

Kididimu keveeye kihanwa kidukiru kandi kinama kilungi chi inyama keveeye kihanwa kidukiru. Cha Yahova avuguyi kutura ku avandu va Isiraeli nukuhaana ku avasaalisi. Yiki nicho cha avandu va Isiraeli vaduukana vahane ku avasaalisi zinyinga ziosi.

Livalidza 5:9

Kandi vuli kihanwa choosi kitakatifu cha vandu va Isiraeli vahaana ku Yahova, kilava chu musaalisi oyo.