Kwidzulitsa 9:3 - KITABU KITAKATIFU

³ Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Kwidzulitsa 9:3 ပူးပေါင်းရင်းမြစ်များ

Kutwula 23:23

Engelosi wange alimiira imbiri wenyu nukumuhira mwingiri mu kivala cha vandu va Amori, Hiti, Perizi, Kanaani, Hivi, na Jebusi, na ndavadiviza ligali.

Kutwula 24:17

Vukumi vwa Yahova vwaloleka kuli muliru gusambaa kondonyozi kwi kiguru imbiri wa avandu va Isiraeli.

Isaya 27:4

Simbeeye nu vutima ni kizabibu zana mba. Niiva amafwa ni vigunzanguva kingiliyi kizabibu! Inzi ndakalwaani navio nukuvisamba viosi.

Isaya 30:27

Zinguru nu vukumi vwa Yahova vunyala kololeka kutura ihale. Muliru nu mwochi vimanya vutima vwivwe. Amulomaa na makuva geege gasambaa kuli muliru gudivizaa.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Mika 2:13

Nyasaye alavigulira inzira, nukuvimilira vatuli mu lihaminywa. Valavunaga nu kuvitira mu virivwa vie lidaala linene kandi vazie novovoholore. Mwami wavo, Yahova Wuvunyali alavimilira.

Matayo 15:10

Kunangwa Yeso yalanga kiduma cha vandu vaze kuye navavoolera, “Muhuliri kandi mumanye!

Marko 7:14

Maku Yeso yalanga kandi ikiduma cha vandu navavoolera, “Munyi mwosi mumbulirizi, ma mumanyirize.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Vafeso 5:17

Kigira yaga, mutava avasiru, navuzwa mugerizi kumanyiriza uvulariri vwu Mwami.

Kwidzulitsa 1:30

Yahova Nyasaye winyu alimilira munyi kandi alamulwaanira, kuli mwalora vuzwa nakora mu Egebeti

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 20:4

Yahova Nyasaye winyu niyie wimiraa kuzia harara nimunyi kumulwanira vasigu vinyu, aduuki kumuha liguuta.’

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Kwidzulitsa 7:22

Yahova Nyasaye winyu alakunga zihiiri yizio imbiri winyu kuduuka lwa muvingilira. Si munyala kuvadiza vosi ku ing'inga ndala mba, gase livaliza liezinyama ziu mbulimu limeedeka kuva linyingi ma geve vuhimwa vwu kutihiza ku munyi.

Kwidzulitsa 9:6

Kunangwa muve nagiligali kumanya ndi Yahova Nyasaye winyu siyamuha kivala chuvutugi na kenoru yiki kuva miandu jinyu kigira uvutakatifu vwinyu mba. Awa muveeye avandu vi kirage.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Joshua 11:12

Joshua yagumira madaala yaga goosi harara na vami vago, niyiita avandu vosi, kuli Musa, mutumikiri wa Yahova, yaali niyalaga.

Joshua 11:8

Nyasaye yakola vandu va Isiraeli kuguuta kuvo. Avandu va Isiraeli vavingilira kandi nivavalondelera kali kuduuka Misirefozimaimu, na Sidoni kolovega lwa ivaale, kandi kuduuka mu livona lia Mizipa ku lovega lwa ivugwi.

Joshua 14:12

Kunangwa kalunu, mbe kivala chi kiguru icha Yahova yandaga ku lidiku yilio lwa avandu vange harara ninzi kwahaana amakuva giitu. Kwakovoolera ulwene yilwo ndi ihiiri ya imindu minene ligali, avalangwa vandu va Anaki vaali yo mu madaala manene gizimbinga. Hawundi Yahova alangoonya, kuvakunga vatuli, kuli yahova yaali navooye.”

Joshua 3:11

lwi Lisandugu lia malago ga Yahova wi lirova liosi liambuka mugera gwa Jorodani imbiri winyu

Joshua 3:14

Kunangwa lwa avandu vosi vasambula hokososa ukwambuka mugera gwa Jorodani, avasaalisi avagingaa Lisandugu lia malago vimiliri kuzia imbiri wavo.

Vakalagi 4:14

Ma Debora yavolera Baraka, “Tula zia! Yahova aveeye harara nivi! Kalunu umali kukuha iliguuta lia Sisera.” Maku Baraka yasulunguta kutura mu Kiguru cha Tabori harara ni liihi lilie lia vandu izielefu likomi.