Kwidzulitsa 4:9 - KITABU KITAKATIFU

⁹ Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 4:9 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 71:18

O, Nyasaye, kalunu lwa mbeeye musakulu, niliisu liange liveeye zimbuzi utaandeka mba! Ove harara ninzi lwa nandizaa amakuva gi zinguru kandi guvunyali vuvwo, ku makura goosi gaaza.

Kutwula 10:2

kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Tsing'ano 1:8

Mwana wange, huliriza amigizu ga baba woovo na mama woovo.

Tsing'ano 23:26

Mwana wange huliriza kandi uvuguli limenya liange live amigizu kuive.

Tsing'ano 3:21

Mwana wange, udinyi kovogeri vuvwu kandi limanya liu musi utalileka mba.

Tsing'ano 7:1

Mwana wange, wizulizi gambolaa na utivilira changuvooleraa mba.

Isaya 38:19

Navuzwa avandu vaveeye mwoyo nivo vizominyaa ivi, kuli inzi nzizominya ivi kalunu. Aviivuli vavoolera avana vaavo kuli ivi oveeye musuuvirifu.

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Jeremia 17:21

Uvavoolere ndi, niiva vayaanza livamwoyo liavo, vatageriza kuginga musigo gwosi ku lidiku lie Lisabato mba; vatageriza kuginga kindu kali kilala kwingira mu virivwa via Jerusalemi mba,

Luka 8:18

“Kigira yaga, mwilindi vulahi kuli muhulira; kigira oyo oveeye nacho, alahevwa vindi, na oyo utaveeye nacho alanyagwa kali kekekeeke cha aganagana aveeye nacho.”

Vafeso 6:4

Munyi aviivuli, mutakola avana vinyu kuva nu vutima, navuzwa muvavirukizi kandi muvalindi mu liegiza kandi mu lieganihiza liu Vukristayo.

Kwidzulitsa 11:19

Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa.

Kwidzulitsa 12:1

“Yaga nigo malago agadukanaa mulonde muhuliri madiku goosi ga muveeye mwoyo mu kivala cha Yahova Nyasaye wa vaguuga vinyu amuhezaa mugalonde.

Kwidzulitsa 16:3

Lwa muva nimulizaa chukulia yiki, mutalia harara nu mugadi gwalomberwa mu mamera mba. Ku madiku saba kuduuka mulie mugadi gutaveeye mu na mamera, kuli mwakora lwa mwatula Egebeti mu lididikana kuli yilio. Mulie mugadi yigu, kigira gulalangwa mugadi gwu vusaliri, kunangwa ku madiku ga muveeye mwoyo, mwizurizi lidiku lia mwatula Egebeti, kivala chuvusaliri.

Kwidzulitsa 17:19

Kuduuka aviiki kitabu yiki ahimbi naye kazozo, kandi asome kutura mucho madiku gi livamwoyo lilie liosi; kunangwa aduuki kwiga kuhaana luyali ku Yahova Nyasaye weve, kandi ahuliri nu vusuuvirifu vwosi vindu viosi ivialagwa mucho.

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Kwidzulitsa 31:19

“Kalunu, ng'oda hasi ulwimbu yilu. Ulwigizi ku avandu va Isiraeli, kunangwa love kuli kelolero change kuvo.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 4:15

“Lwa Yahova yamoloma ku munyi kutura mu muliru ku kiguru cha Sinai, simwalola lifaana liosi mba. Ku vulahi vwinyu, mulole ndi

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 6:12

Mukore ndio kunangwa muvuli kwivilira Yahova uwamuhonyia kutura mu kivala cha Egebeti, wa mwaali avatugwa.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:20

“Mu zing'inga ziza avana vinyu valakamuteeva, ‘Kigira ki Yahova Nyasaye wiitu nakuraga kuhuliri malago yaga goosi?’

Kwidzulitsa 6:7

Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Vahebraina 2:1

Kigira yaga, gakuduukiraa kugumiri vudinyu amakuva goosi agiligali ga kumali kuhulira, gase kulagotizwa.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Yakobo 2:22

Ivi si olola? Lisuuvira lia Aburahamu ni vikolwa vivie viayinzira harara. Lisuuvira lilie liakolwa liduukiru kuvitira mu vikolwa.

Joshua 1:18

Mundu woosi mundu uhing'ana nuvunyari vuvwo kandi uvula kuhulira lilala ku malago aga uhaana, aliitwa. Ove mugulu kandi muluviliri!”

Joshua 23:11

Mwilindi vulahi aveene, muyanze Yahova Nyasaye winyu.

Joshua 4:21

Yavolera avandu va Isiraeli, “Mu madiku gaaza, lwi visukululwi vienyu valimuteeva kivuni cha magina yaga,

Likunula 3:3

Kunangwa wizulizi amigizu agiligali ga wavugula, kandi agawahulira nu kwiganira. Navuzwa nuvula kulinda nu kusaala, ndaaza ku ivi kuli umwiivi, na ivi siulamanya ing'inga ya nziza ku ivi mba.

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 8:34

Avandu va Isiraeli vivilira Yahova Nyasaye wavo uwaali niyaavahonyia kutura vasigu vaavo vosi kutura mu zimbega ziosi.