Kwidzulitsa 4:6 - KITABU KITAKATIFU

⁶ Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Kwidzulitsa 4:6 ပူးပေါင်းရင်းမြစ်များ

1 Avami 4:34

Avami vanene mu lirova liosi vahulira makuva govogeri vwivwe kandi nivatuma avandu kuzia kumuhuliriza.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 19:7

Lilaga lia Yahova liveeye liduukiru, liheezaa mundu zinguru zimbia. Amalago ga Yahova ahaanaa gaveeye gukusuuvirwa, gahaanaa ovogeri ku yavo avatali navwo.

Zaburi 19:8

Malago ga Yahova gaveeye malungi, na yavo avagahuliraa vaveeye nu vuyanzi. Malago ga Yahova gaveeye malungi, kandi gahaanaa limanyiriza mu zing'anagani.

Tsing'ano 1:4

Zinyala kokora mundu musiru kuva mugeri kandi zie liegiza vasoleri kuva vovokonyi.

Tsing'ano 1:5

Zing'ano yizi zinyala komeeda umundu wi limanya ovogeri kandi amigizu,

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 14:34

Uvulungi vokola ihiiri kuva enene ligali, navuzwa vwoni voletaa zisoni ku ihiiri yoosi.

Tsing'ano 14:8

Mundu mugeri atumikilaa ovogeri vwivwe kolola inzira yeeye, navuzwa vusiru vwu musiru vumuganda.

Isaya 42:21

Yahova aveeye Nyasaye uveeye nu vuha kohonyia, kunangwa malago geege gizominywe kandi amigizu geege, kandi yenya avandu veve vahane luyali kuye.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Ezekieli 5:5

Yahova Munene avoora, “Henza ku lidaala lia Jerusalemi, Inzi mali kuliviika hagati hi kivala, ni vivala vindi viosi vi likumberizi.

Danyeli 1:20

Ku makuva goosi gu mwami yateeva, anoho vudinyu vwosi vwu mwami yaleeta, avayaayi vane yava vamanya haali 10 kuvita muvuuli anoho mukumu wundi woosi munyumba yeeye yu vwami vwosi.

Danyeli 4:9

Beliteshaza mwami wavasigitiri vosi, ndamanya ndi roho gwa vayasaye mutakatifu goveeye mu ivi kandi oveeye ni limanyiriza lie vilolekizu viosi. Yaga na maloto gange; mbolera cha gavoora.

Hosea 8:12

Inzi ndaavang'odera ivindu vinyingi vielilaga liange, navuzwa vaavivugula kuva kuli kindu kegeni.

Malaki 3:12

Maku avandu vi zihiiri ziosi valakamuguliki, ‘Vuyanzi’ kigira kivala chiinyu kilakave havundu halahi ho komenya.”

Kwidzulitsa 29:9

Muhuliri nu vusuuvirifu vwosi amakuva goosi gi lilagana yili kunangwa muduuki kugasizwa mu vindu viosi via mukora.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

Kwidzulitsa 32:47

Amigizu yaga goosi sigaveeye agavuzwa mba; navuzwa gaveeye livamwoyo lienyu liene. Mugalonde na mulamenya madiku manyingi mu kivala engereka wumugera gwa Jorodani icha muveeye ahimbi kukivugula.”

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.