Kwidzulitsa 33:22 - KITABU KITAKATIFU

²² Yavoola ku ihiiri ya Dani: “Dani aveeye mwana wi simba; atuumaa ichova kutura Bashani.”

Kwidzulitsa 33:22 ပူးပေါင်းရင်းမြစ်များ

1 Kyetsinyinga 12:35

Vandu va Dani vaali 28,600 avivika viuma viu vulwani.

Ayubu 37:1

“Liiva yili lilombaa mwoyo gwange kukubaganaa vudinyu mu inzi, ma gutulaa mu vogono vwagwo.

Ezekieli 19:2

Mama wenyu yaali isimba yi kikali ya lugano ki! Yagona hasi hagati hi zisimba zinyana kandi nalela avana veve.

Ezekieli 19:3

Yaavirukiza indala kuvaana vayo, kandi yagwa isimba yizingulu. Kandi yiiga kuhima kandi nalia avandu.

Joshua 19:47

Lwa vandu vi ihiiri ya Dani vanyagwa kivala chavo, vazia nivingilira lidaala linene lia Laishi. Valigumira, niviita avandu vaali mulio, kandi nivalivugula kuva liavo. Vamenya mu kandi nivagirung'anyia lieta lielidaala zana kutura Laishi kuzia ku Dani, valigulika inyima wa guuga wavo Dani.

Vakalagi 13:2

Ing'inga yeyo, umundu yaali ho uwalangwa Manoa kutura mu lidaala lia Zora wihiiri ya Dani. Umukali weve yaali nakikiri kwivura ku umwana.

Vakalagi 14:19

Nonoho izingulu zia Yahova ziamwizula nasulungutaa mu Ashikeloni, niyiita avasaza salasini, navatuliza izinguvu ziavo, nazihaana ku vasaza vaativura ulugano. Agene yaga nigakavita, yirana yengo wa baba weve naasinyiki ligali.

Vakalagi 14:6

Nonoho, Samusoni yahulira zinguru zia Yahova ni zimwizuuyi, na yatandulanyia isimba zana yeyo mu vidonye kuli umundu anyala kutandulanyia kememe chimbuli, kali niiva siyaali nichugi mu mukono gwigwe. Navuzwa siyavolera aviivuli veve chayaali naakori mba.

Vakalagi 15:15

Maku yanyoora ikigumba chu lusaya chibunda iyaali nikuzi. Yinama hasi nakedola, na yita avandu 1,000 nacho.

Vakalagi 15:8

Yavingilira ni zinguru ziosi, niyiita vandu avanyingi. Maku yamanya nazia komenya muluhangaywa lwulwanda lwa Etamu.

Vakalagi 16:30

Samusoni yahanzuka navoora, “Leka nguzi na vandu va Filisitia!” Maku yalumba izitiiru ni zinguru zizie ziosi. Maku litembeli liagwa ku vimiliri vosi, harara na vandu vaali mu vosi. Samusoni yita avandu avanyingi mulikuza lilie kuvita vayaali niyiita lwa yaali mwoyo.

Vakalagi 18:27

Maku vaavugura ivindu via Mika yalomba harara nu musaalisi weve ni vazia kuduuka mu kivala cha Laishi kulwaana avandu vaali nivamenyi wene yeyo mu mirembe. Vavingilira ni kivavi nukusamba ilidaala liavo.