Kwidzulitsa 32:14 - KITABU KITAKATIFU

¹⁴ Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.

Kwidzulitsa 32:14 ပူးပေါင်းရင်းမြစ်များ

Litanga 18:8

Maku yavugula maguta, maveere kandi ne kemoli chaali nikelombeywe nahaana ku avageni veve. Lwa vaali nivalizaa, yasingira ahimbi navo isi wu musaala.

Litanga 49:11

Alavoha ibunda yeeye ku muzabibu. Kandi alavoha mwana wi ibunda yeeye ku muzabibu mutovole. Alafuuya zinguvu zizie mu iwaini, kandi alafuuya ziganza zizie mu masahi go muzabibu.

2 Samweli 17:29

Uvwuki na maguta, amagondi amaguta kutura ku zing'ombe ku Daudi na avandu veve vaduuki kulia. Kigira vavoola, “Avandu yava vaveeye ni inzara kandi vaaluhi, kandi nuvuluhu mwigendanyama.”

Nehemia 9:25

Avandu vovo vagumira madaala manene gizimbinga, kivala kenoru, izinyumba zizura vutugi, nividaho viamala kuyavwa, milimi ja mizeituni, misaala ja makuyu manyingi kandi ni vizabibu. Valia viosi via venya nukwiguta, kandi nivakomera; vasangalira ivindu viosi vilahi via ivi wavaha.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Ayubu 20:17

Sialava mwoyo okolola migera ja maguta ga muzeituni. Kinga migera jiidolokanga maveere nuvwuki.

Ayubu 29:6

zing'ombe ziange kandi zimburi ziange ziahaana ku inzi maveere manyingi, kandi misaala ji mizabibu jahaana amaguta amanyingi.

Zaburi 147:14

Akolaa zinzako zizio kuva ni mirembe, kandi akwigutizaa ni ingano indahi ligali.

Zaburi 22:12

Avasigu vanyingi vaangumbirizi kuli zigiriki; vosi vaangumbirizi kuli zigiriki zimbalava kutura mu kivala cha Bashani.

Zaburi 81:16

Navuzwa ndakamulihizi ni ingano indahi ligali kuvita nukumwigutiza nuvwuki vwu muvulimu.”

Isaya 7:15

Alalia maguta nuvwuki lwa amanya kusuura uvudamanu nokotovola uvulahi.

Isaya 7:22

Zilakahaane maveere manyingi ligali kali alakave ni vindu viosi viayenyaa. Yee, avandu vakekeeke avaliva nivatigara mwoyo mu kivala yicho valava na maveere kandi nuvwuki vwu kulia.

Ezekieli 39:18

Zilakalie miviri ja vasikari kandi kunwa masahi ga vamiihi vi lirova, vosi avaazaa viitwi kuli amagondi amakole, vimeme, zimburi, zigiriki kandi zinyama ziosi zing'omeru kutura Bashani.

Hosea 11:4

Ndaavaleta nizimbavasi kandi nuvuyanzi. Ndaatuliza inara ku mavega gaavo, kandi nimbaliihiza.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Kwidzulitsa 28:47

Yahova yamugasiza mu zinzira ziosi, navuzwa simwali munyala kumutumikira nuvusangali kandi nuvuyanzi mu mioyo jinyu mba.

Likunula 14:20

Mizabibu jakamulirwa mu kiminiru keveeye ichova wi lidaala linene. Amasahi gasunduka kutura mu kiminiru kuli umugera gwizuuyi nigusurunguta kuduuka uvutambi zikilomita zimia zivaga, nuvutambi vwu kuzia musi vwali ahimbi zimita ziviri.

Vakalagi 5:25

Sisera yateeva amazi, navuzwa yamuha amaveere; yamuletera amaguta ga maveere kubakuli indahi.