Kwidzulitsa 31:19 - KITABU KITAKATIFU

¹⁹ “Kalunu, ng'oda hasi ulwimbu yilu. Ulwigizi ku avandu va Isiraeli, kunangwa love kuli kelolero change kuvo.

Kwidzulitsa 31:19 ပူးပေါင်းရင်းမြစ်များ

2 Samweli 14:3

Maku uzie ku mwami na umuvolere aga inzi ngovolera ovoole.” Maku Joabu yamuvolera icha avoora.

Zaburi 102:18

Ong'odere amakura gaaza cha Yahova amali kokora kunangwa avandu vakikiri kwivulwa valakamwizominye.

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Ezekieli 2:5

Kali niiva avandu vibaali yavo valakuhulira anoho valasura kukuhulira, valakamanye ndi muporofeti yaali harara navo.

Matayo 10:18

Kigira inzi mulahilwa imbiri wa avamihi na avami vanene avamihaa vivala muduuki kololekiza Ivangeri kuvo kandi ku zihiiri.

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Kwidzulitsa 11:19

Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa.

Kwidzulitsa 31:18

Kandi ndakasuuli kuvakonya, kigira vamali kokora uvudamanu, kandi kusigamira avanyasaye vandi.

Kwidzulitsa 31:26

“Vuguli kitabu chi Lilaga yiki mukiviiki halovega hi Lisandugu lie Lilagana lia Yahova Nyasaye winyu, kunangwa kiduuki kuva kuli kilolekizi ku avandu veve.

Kwidzulitsa 31:30

Maku Musa yimba ulwimbu yilu lwosi, avandu vosi va Isiraeli nivahulirizaa.

Kwidzulitsa 32:1

“Ligulu ni Lirova, huliri amakuva gange muhulirizi vulahi agambooraa.

Kwidzulitsa 6:7

Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Joshua 24:27

Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”