Kwidzulitsa 3:11 - KITABU KITAKATIFU

¹¹ (Omwami Ogu niyie waali wukumaliriza uwatigalaa ku vandu va Refaimu. Kidali chiche ichalombwa Kutura ku kivia chaali zimita zine uvutambi na uvugika nivuva ahimbi zimita ziviri, kolondekana ni kibimu chaviikwaho. Kinyala kololeka mu lidaala linene lia vandu va Amori lia Raba.)

Kwidzulitsa 3:11 ပူးပေါင်းရင်းမြစ်များ

Litanga 14:5

Mu muhiga gwa 14 Kedorilaomeri harara navami veve vaza harara na mahi gaavo kandi ni vaguuta Refaimu mu Ashitarozi Karinaimu, avandu va Zuzi mu Hamu, avandu va Eni mu livona lia Kiriazaimu,

Litanga 6:15

Ulilombe zimita 133 vutambi, zimita 22 vuvambalaru, kandi zimita 13 vudiguluku.

2 Samweli 11:1

Mu ing'inga yi vitagwa vimera, lwa avami vanene vazizaa mu liihi kazozo, Daudi yatuma Joabu na avanene veve kandi ni liihi lia vandu va Isiraeli kuzia mu vulwani. Vaguuta vandu va Amoni kandi nivakumbiriza lidaala linene lia Raba. Navuzwa Daudi mwene yaatigara mu Jerusalemi.

2 Samweli 12:26

Ku ing'inga zana yeyo, Joabu yaazizagilira kulwaana Raba lidaala linene lia Amoni kandi yaali naveeye ahimbi kuligumira.

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Ezekieli 21:20

Kelolero kilala kilamanyia Mwami inzira izizaa mu lidaala linene lia Raba lia vandu va Amoni, ni kindi kilamanyia inzira izizaa Ivuyuda kuduuka mu lidaala linene lie imbinga ya Jerusalemi.

Ezekieli 25:5

Ndaza ngirung'anyie lidaala linene lia Raba kuva havundu hukutugira zing'amia, kandi kivala choosi cha Amoni kuva havundu hukutugira magondi, kunangwa munyi namumanye ndi inzi mbeeye Yahova.

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Amosi 2:9

“Navuzwa, gaali kigira munyi, avandu vange, avagira nindiviza Avaamori ligali, avasaza avaari avataambi kuli midaragwa, kandi avizingulu kuli misaala imidinyu kuli muduguyu.

Kwidzulitsa 2:11

Kuli avandu va Anaki navo kandi vamanyikana kuli Refaimu, navuzwa avandu va Moabu vavalanga avandu va Emimu.

Kwidzulitsa 2:20

“Kivala yiki chamanyikana kandi kuli kivala cha Refaimu, lieta lia avandu vamenya yo ku maziambiri; Avandu va Amoni vavagulika lieta zamuzumimu.

Joshua 12:4

Vaguuta kandi mwami Ogu wa Bashani, uwaali wu kumaliriza ku vandu va Refaimu; yamiha ha Ashitarozi na Edirei.

Joshua 13:12

Chaali harara kandi nu vwamihi vwosi vwa Ogu, wukumaliriza ku vandu va Refaimu, uwamiha mu Bashani, Ashitarozi na Edirei. Musa na avandu va Isiraeli vaali nivaguuti kandi kukuunga avandu yava,

Likunula 21:17

Engelosi yaabima kandi lidiji lialio, nalio liaduuka zimita sitini kuzia igulu, kolondekana ku kibimu cha kazozo icha yatumikira.

1 Samweli 17:4

Musaza mulala walangwa Goliati muluviliri kutura mu lidaala linene lia Gazi, yaza kutura mu ahokososa ha vandu va Filisitia kogelana nukulwaana na vandu va Isiraeli. Yaali ahimbi uvutambi vwi zimita zivaga,