Kwidzulitsa 28:15 - KITABU KITAKATIFU

¹⁵ “Navuzwa niiva uvuli kuhulira mwoyo gwa Yahova Nyasaye woovo kandi uvula kuhulira nu vusuuvirifu malago geege goosi nokokola miima jije josi ja inzi mali kumuha lidiku lia kalunu, ahene yaho vilaamo vidamanu yivi viosi vilamugwira.

Kwidzulitsa 28:15 ပူးပေါင်းရင်းမြစ်များ

Litanga 3:14

Maku Yahova Nyasaye yavolera enzoka, “Kigira umali kokora yaga, ulanyora mageri. Ivi weng'ine hagati hi zinyama zindi ziosi ulanyora kilaamo yiki. Kutura kalunu ivi ulamolaa ni inda yooyo, kandi ulalia luguchi madiku goosi gi limenya liilio.

Litanga 4:11

Kalunu ivi umali kulamwa kutura ku lirova limali kwalaminya munwa kumila masahi ga amwavo woovo Habili wa witi.

Litanga 4:12

Niiva ulageliza kutaga vitagwa, si ulagesa mba. Ulagendagenda vugira kuva ni limenya ku lirova.”

2 Kyetsinyinga 12:5

Muporofeti Shemaya yazia ku mwami Rehoboamu kandi na viimiliri vi Ivuyuda avaari nivavungi mu Jerusalemi ukwiruka kutura ku Shishaka. Yavavolera, “Yili nilio likuva lia Yahova ku munyi: ‘Munyi mumali kondeka, kunangwa kalunu inzi mali kumuleka mu makono gi zinguru zia Shishaka.’ ”

2 Kyetsinyinga 34:24

Yahova avoora ndi, “Nda kuya Jerusalemi yoosi harara na vandu vosi avamenyi mu, ni vilaamo kuli gang'odwa mu kitabu chi lilaga cha somwa imbiri wu mwami wi Ivuyuda.

2 Kyetsinyinga 7:19

Navuzwa niiva ivi harara na vandu vovo mulavula kuhulira malago gange ga mali kumuha, kandi musigamiri avanyasaye vandi,

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Jeremia 11:8

Navuzwa si vahulira anoho si vaatia mba. Muvogono yivwo vuli mundu samulala yaazizagilira kuva mudinyu kandi kokora uvudamanu kuli kazozo. Ndaali ni ndavalaga vaviiki lilagana liange navo, navuzwa vasuura. Kunangwa, ndaviika kuvo viramo viosi vie lilagana kuli ndaali nimbalagi.”

Jeremia 26:4

Yahova yambolera mbore ku avandu, “Inzi, Yahova, mali koovola ndi kuduuka mutie inzi nokolonda amigizu gandamuha,

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 40:2

Munene wi liihi yambika halovega nambolera, “Yahova Nyasaye woovo yavoola alaleeta uvuti vwi lidiviza,

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Hosea 7:12

Navuzwa inzi ndaavambura muluvo kandi nandavagumira kuli manyonyi gumuvwerefu lwavaziizaa. Inzi nambahe mageri kigira uvudamanu vwavamali kokora.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Kwidzulitsa 11:28

navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri.

Kwidzulitsa 28:2

Muhuliri Yahova Nyasaye winyu nuvugasu yivu vwosi vulava vwinyu.

Kwidzulitsa 28:45

“Vilaamo yivi viosi vilaza ku munyi kandi vilava ni munyi kuduuka lwa mudivizwa ligali, kigira simwahulira Yahova Nyasaye winyu nokugumira malago gege ga yamuuha mba.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Joshua 23:15

Navuzwa kuli yalinda vuli lisuuvirizwa lia yalomba ku munyi, nandio aladuukiza vuli litihiza.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

Vakalagi 2:15

Vuli ing'inga lwavaziizaa muvulwani, Yahova yaavehoneraa ligali, vuzwa kuli yaali niyavavoolera. Vaali nu vudinyu vunyingi.

1 Samweli 4:10

Kunangwa Avafilisitia valwaana vudinyu kandi nivaguuta avandu va Isiraeli, niviruka samulala kuduuka mu zingo ziavo. Liitwa liali linene ligali kuvita; Avasikari va Isiraeli zielefu salasini viitwa.