Kwidzulitsa 26:18 - KITABU KITAKATIFU

¹⁸ Kalunu Yahova umali kumuvugilira kuli avandu veve, kuli yamusuuviriza; kandi mulagaa muhuliri amalago geege goosi.

Kwidzulitsa 26:18 ပူးပေါင်းရင်းမြစ်များ

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Jeremia 13:11

Kuli zimbala zigumira vudinyu mukisindi, kandi ndio ndeenya avandu va Isiraeli ni Ivuyuda vagumiri vudinyu ku inzi. Inzi ndaakola yaga kunangwa vaduuki kuva avandu vange kandi vahane lizominya nuluyali ku inzi; navuzwa sivaatia inzi mba.”

Kyavalevi 20:26

Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Kwidzulitsa 27:10

Kunangwa muhuliri Yahova Nyasaye winyu kandi mugumiri malago gege nimiima jije aga muheezaa kalunu.”

Kwidzulitsa 28:1

“Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.

Kwidzulitsa 28:9

“Niiva mulahulira Yahova Nyasaye winyu na mukore vindu viosi via amulagaa alamukola muve avandu veve vatakatifu kuli yamusuuviriza.

Kwidzulitsa 29:13

kunangwa Yahova aduuki kudinyiriza munyi muve vandu veve, naye ave Nyasaye winyu; kuli yamusuuviriza harara na avaguuga vinyu, Aburahamu, Isaka na Yakobo.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.