Kwidzulitsa 20:3 - KITABU KITAKATIFU

³ navoora, ‘Avasaza va Isiraeli, muhuliri! Lidiku lia kalunu muziza muvulwani. Mutatia avasigu vinyu, anoho kukuza mioyo, anoho kodegera mba.

Kwidzulitsa 20:3 ပူးပေါင်းရင်းမြစ်များ

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Ayubu 23:16

Nyasaye umali kokora mwoyo gwange kuvunika, Wuvunyali utihiizi inzi.

Zaburi 3:6

Simbeeye nuvuti ukutia zielefu zia vasigu mba; avangumbirizaa zimbega ziosi.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 10:31

Kulwayago mutatia mba; munyi muveeye vuvuguli kuvita amatondolizi amanyingi.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Marko 16:18

Niiva valagumira ku zinzoka anoho ni vanwa ikindu choosi chukwita, sikilavasaliriza mba. Valaviika amakono ku valwaye, navo valahona.”

Marko 16:6

Umusoleri oyo yavavolera, “Mutagenya mba. Inzi manyi vuzwa mwenya Yeso wa Nazareti uwaavambwa. Umali kusimuguka! Siaveeye hano mba. Heenzi havundu ahavamuta.

Vikolwa 27:24

Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’

Kwidzulitsa 1:21

Heenzi, Yahova Nyasaye winyu umali kuhaana ku munyi kivala zana. Muzie mwingiri mu kandi mukivuguli kuli Yahova Nyasaye wavaguuga vinyu yamuvolera. Mutatia anoho kukuza mioyo mba.’

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 20:2

Nimukiri kutanga vulwaana, musaalisi alaza imbiri winyu, nokomoloma ku liihi,

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Joshua 23:10

Mulala ku munyi anyala kukunga avandu elefu ndala, kigira Yahova Nyasaye winyu niyie ulwaaniraa munyi, kuli yamusuuviriza.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

1 Samweli 17:32

Daudi yavolera Saolo, “Utaleka mundu ku vosi akuze mwoyo kigira Mufilisitia uyu mba; ndazia kulwaana naye.”