Kwidzulitsa 13:4 - KITABU KITAKATIFU

⁴ Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 13:4 ပူးပေါင်းရင်းမြစ်များ

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

1 Vakorintho 6:17

Navuzwa oyo wihambanyia umwene ku Mwami aveeye mulala mu Roho naye.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

2 Yohana 1:6

Uvuyanzi vwa molomaa ku ni yivu; komenye kolondekana na amalago ga Nyasaye. Yili ni lilaga lia mwahulira kutura mu litanga ndi munyi vosi, gamuduukira mumenye mu vuyanzi.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”