Kwidzulitsa 1:8 - KITABU KITAKATIFU

⁸ Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 1:8 ပူးပေါင်းရင်းမြစ်များ

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.

Kutwula 33:1

Yahova yavolera Musa, “Tuli havundu hano, ivi harara na avandu vawaleeta kutura Egebeti, kandi muzie mukivala cha ndasuuviriza kuhaana ku Aburahamu Isaka na Yakobo kandi kuvisukululwi viavo.

Jeremia 32:22

Ivi wavaha kivala yiki kuli waali ni wisuhira avaguuga vaavo kuvaha kivala cha malova magunamu.

Ezekieli 47:14

Ndisuhira avaguuga vinyu ndi, ndakavahe miandu ji kivala yiki. Kulwayago, kalunu mulagavulane mundu sa mulala anyoore kidieli keleng'ani.

Livalidza 14:23

Si valaduuka mu kivala cha ndisuuhira avaguuga vaavo mba. Siaveeye ho kali mulala ku vandu vamali kusuura yava uliduuka mu kivala yiki mba.

Livalidza 32:11

‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’

Kwidzulitsa 1:11

Yahova, Nyasaye wavaguuga vinyu, amukole mumedeke haali elefu kuvita kuli muveeye, kandi amugasizi kuli yamusuuviriza.

Kwidzulitsa 1:35

‘Sihaveeye ho numulala ku likula lidamanu yili ulingira mu kivala kenoru yicho ichandasuuviriza ndahaana ku avaguuga vinyu mba.

Kwidzulitsa 10:11

Kandi Yahova yambolera, ‘Singira, utange logendo lulwo, wimiliri avandu kunzira yavo, kunangwa vaduuki kwingira nokwidikila mu kivala cha ndasuuviriza kuhaana ku avaguuga vinyu.’

Kwidzulitsa 11:24

Hoosi hi zinduvatiru zienyu ziseena, halava ahinyu. Lwako lwi kivala chienyu lulava kutura ku changalangwe lovega lwisavalu kuduuka ku vigulu via Lebanoni lovega lwa Ivaale; kutura ku mugera gwa Efurate lovega lwivugwi kuduuka kali ku Inyanza ya Meditareniani mu lovega lwimadioli.

Kwidzulitsa 11:9

Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo.

Kwidzulitsa 2:29

kuduuka lwa kwambuka mugera gwa Jorodani kuzia mu kivala cha Yahova Nyasaye wiitu akohezaa. Visukululwi via Esau viamenyaa mu Edomu kandi avandu va Moabu avamenyaa mu Ari vakuvugilira kuvitira mu kivala chavo.’

Kwidzulitsa 26:15

Henza hasi hano kutura hatakatifu hoho mwigulu, na ugasizi avandu vovo, Isiraeli; ugasizi kandi kivala kigunamu icha umali kuhaana kukunyi, kuli wasuuviriza avaguuga viitu.’

Kwidzulitsa 26:3

Zia ku musaalisi okolaa miyinzi ing'inga yene yeyo kandi umuvoolere, ‘Kalunu nzimanyia ku Yahova, Nyasaye wange, ndi mali kwingira mu kivala cha yasuuviriza avaguuga viitu kuha kunyi.’

Kwidzulitsa 28:11

Yahova alamuha avana vanyingi, zing'ombe zinyingi, ni viamo vinyingi mu kivala cha Yahova Nyasaye winyu yasuuviriza kuhaana ku avaguuga vinyu.

Kwidzulitsa 29:12

Kalunu musingiyi hano kunangwa muduuki kwingira mu lilagana yili lia Yahova Nyasaye alombaa ni munyi ku liesuuha kandi muvugiliri lienya lialio;

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 31:7

Kunangwa Musa yalanga Joshua namuvolera imbiri wa avandu va Isiraeli vosi, “Ove mugulu kandi muluviliri, kigira ivi niyie wimilira avandu yava kwingira mu kivala cha yasuuviriza avaguuga vaavo.

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 6:10

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka.

Kwidzulitsa 7:12

“Nimuhuliriza malago yaga goosi nukugalonda nu vusuuvirifu, kandi kugakola, ahene yaho Yahova Nyasaye winyu aladuukiza lilagana lilie nimunyi kandi alamanyia vuyanzi vwivwe vutaveeye nekeheri kuli yasuuviriza avaguuga vinyu.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

Vahebraina 6:14

Yavoola, “Ngusuuvirizaa ligali ndi, ndakugasiza kandi ndakuha visukululwi vinyingi.”

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.