Kwidzulitsa 1:7 - KITABU KITAKATIFU

⁷ Kalunu musambuli hokososa hinyu kandi muzizagiliri nologendo lwinyu. Muzie mu kivala chi vigulu cha vandu va Amori kandi hoosi muvivala vio votende vwacho mu Arebia, mu kereremo cha Jorodani, mu kivala chi vigulu namavoona, mu kivala chisavaalu wa Kanaani kandi kuduuka ku lujinga lwinyanza enene ya Meditareniani. Muzie kali kuduuka mu kivala cha Kanaani kandi kuduuka engereka wi vigulu via Lebanoni, kandi kali kuduuka ku Mugera munene gwa Efurate.

Kwidzulitsa 1:7 ပူးပေါင်းရင်းမြစ်များ

Litanga 12:9

Maku Aburamu yagenda nazia kuduuka Isavaalu wa Kanaani.

2 Samweli 8:3

Maku Daudi yalwana nukuguuta mwami Hadadezeri, muyaayi wa Rehoba wa Zoba mu kivala cha Siria. Hadadezeri yaali nazizaa kugumira nukwirana kwamiiha kivala keveeye imutwi wu mugera gwa Efurate.

1 Kyetsinyinga 18:3

Mwami Daudi yingilira nu kuguuta mwami Hadadezeri wa Zoba, kilala ku vivala via Siria, ahimbi ni kivala cha Hamazi, kigira mwami Hadadezeri yaali nageriza kuvugura uvwamihi vwi kivala keveeye iluhia wu mugera gwa Efurate.

1 Kyetsinyinga 27:29

Shitirai yaali mwimiliri wi biayo mu kereremo cha Sharoni. Shafati muyaayi wa Adilai, yaali mwimiliri wi viayo mu mavoona.

1 Kyetsinyinga 5:9

Vaali ni mitugu minyingi ligali mu kivala cha Gileadi, nandio vagumira kivala ku lovega lwi Ivugwi kutura ku changalangwe kuduuka ku mugera gwa Efurate.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.

Amosi 2:9

“Navuzwa, gaali kigira munyi, avandu vange, avagira nindiviza Avaamori ligali, avasaza avaari avataambi kuli midaragwa, kandi avizingulu kuli misaala imidinyu kuli muduguyu.

Livalidza 10:12

na vandu va Isiraeli vatanga logendo kutura mwigendanyama lia Sinai. Amalesi yaga gaazia nigasingila mwigendanyama lia Parani.

Kwidzulitsa 1:19

“Kwakora aga Yahova Nyasaye wiitu yakulaga kokole. Kwatula ku kiguru cha Sinai nikuzia kuvitira mu changalangwe kenene chukutiihiza nokolonda kunzira izizaa mu kivala chi vigulu cha vandu va Amori. Lwa kwaduka Kadeshi Barinea,

Kwidzulitsa 11:11

Navuzwa kivala cha muveeye ahimbi kwingira mu keveeye chivigulu namavoona, kivala kenyoolaa amazi gimbula.

Kwidzulitsa 11:24

Hoosi hi zinduvatiru zienyu ziseena, halava ahinyu. Lwako lwi kivala chienyu lulava kutura ku changalangwe lovega lwisavalu kuduuka ku vigulu via Lebanoni lovega lwa Ivaale; kutura ku mugera gwa Efurate lovega lwivugwi kuduuka kali ku Inyanza ya Meditareniani mu lovega lwimadioli.

Joshua 1:4

Zinzako zienyu zilatula ku changalangwe mu lovega lwi Isavaalu kuduuka ku vigulu via Lebanoni mu lovega lwa Ivaale; kutura ku mugera munene gwa Efurate mu lovega lwi Ivugwi, kuvitira mu kivala cha vandu Vahiti, kuduuka kunyanza ya Meditareniani mu lovega lwi imadioli.

Joshua 10:40

Kunangwa Joshua yaguuta kivala choosi. Yaguuta avami vi kivala chi vigulu, zinyanguluku zia ivugwi, kandi vivala vidiguluku vie madioli, kuduuka kali yavo avumukivala chumu olovega lwi isavaalu. Siyatigaliza kali mulala mba; vuli mundu yitwa. Yaga nigo aga Yahova, Nyasaye wa Isiraeli yaali nalagi.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.

Likunula 9:14

Mwoyo yigwo gwavoolera engelosi wa sita uwaali ni kisiriva, “Voholora zingelosi vane avavofwa ha mugera munene gwa Efurate.”