Kwidzulitsa 1:37 - KITABU KITAKATIFU

³⁷ Kigira munyi, Yahova yavihilirwa ninzi kandi navoora, ‘Kali ivi, Musa, si ulingira mu kivala zana yicho mba.

Kwidzulitsa 1:37 ပူးပေါင်းရင်းမြစ်များ

Livalidza 20:12

Navuzwa Yahova yagondokera Musa na Haruni, navoora, “Kigira muvuli kuva ne lisuuvira kuvugilira zinguru ziange zindakatifu imbiri wa vandu va Isiraeli, simulavimilira kuzia mu kivala cha ndavalaga mba.”

Livalidza 27:18

Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo.

Kwidzulitsa 3:27

Zia kondongozi kwi kiguru cha Pisiga ma ohenze ivaale kandi isavaalu, ivugwi kandi imadioli. Ohenze vulahi ligali ku icha ololaa, kigira si ulambuka mugera gwa Jorodani mba.

Kwidzulitsa 3:28

Ohe Joshua amalago geege. Muluvirizi kandi muleminyi mwoyo gwigwe ku lienya lilie; kigira alimilira avandu yava vaambuki kuzia kuvugura kivala cha ivi olola kila.’

Kwidzulitsa 31:2

navavoolera, “Inzi mbeeye ni mihiga mia moja na sirini kandi simbeeye unyaliza kuva mwimiliri winyu mba. Kandi komeeda ku yaga Yahova amali kombolera ndi sindambuka mugera gwa Jorodani mba.

Kwidzulitsa 32:52

Ulalola kivala zana kutura ihale vuswa, navuzwa siulazia kwingira mu kivala yicho, icha mbezaa avandu va Isiraeli mba.”

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Kwidzulitsa 4:21

Kigira munyi, Yahova Nyasaye winyu yaali nu vutima ninzi kandi yanzisuhira kovora ndi, inzi sindaambuka mugera gwa Jorodani nukwingira mukivala kenoru yicho icha aheezaa munyi mba.

Kwidzulitsa 4:22

Inzi ndakuzira mu kivala yiki kandi sindambuka kali hakuzu mugera gwa Jorodani mba, navuzwa munyi muveeye ahimbi kwambuka nukuvugula kivala kilahi yicho.