Kutwula 6:3 - KITABU KITAKATIFU

³ Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Kutwula 6:3 ပူးပေါင်းရင်းမြစ်များ

Litanga 13:18

Kunangwa Aburamu yaginga mahima geege kandi nazia komenya ahimbi ni misaala mitakatifu ja Mamure ha Heburoni, uwa yumbakira Yahova uvwali.

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 22:14

Aburahamu yagulika havundu yaho “Yahova ahaanaa.” Kandi kali kuduuka kalunu avandu vavoola, “Yahova ahaanaa ku kiguru chiche.”

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 48:3

Yakobo yavolera Josefu, “Nyasaye Wuvunyali yaloleka ku inzi ha Luzi mukivala cha Kanaani, ma nangasiza.

Zaburi 68:4

Mwimbiri Nyasaye, mwimbi zinyimbu ziukwizominya Nyasaye mulungikize inzira ya uyu uninaa mu malesi lieta lilie ni Yahova; musangare imbiri weve!

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 15:3

Yahova aveeye wuvulwaani; Lieta lilie ni Yahova.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Kutwula 3:14

Nyasaye yavolera Musa, “Inzi Mbeeye Oveeye Ho. Yavoola, Vola yaga ku avandu va Isiraeli ‘Mbeeye Ho undumi ku munyi.’

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Jeremia 16:21

Yahova avoora, “Kunangwa, liukutanga kandi liukumaliriza, inzi ndakora zihiiri kumanya zinguru ziange kandi vunyali vwange; zilakamanye ndi inzi mbeeye Yahova.”

Jeremia 33:2

Yahova walomba lirova, kandi naalivika muvogono vwa lio, lieta lilie liveeye Yahova, yavoola,

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Ezekieli 37:13

Lwa nangunuli vilindwa uwa vandu vange vaayavirwa kandi nukuvatuliza mu, navamanye ndi, inzi mbeeye Yahova.

Ezekieli 37:6

Ndamuha imichi kandi zinyama, kandi ndaviika ku munyi ligodo. Ndahuuza mwika mu munyi na mulava mwoyo kandi. Maku namumanyirizi ndi Inzi mbeeye Yahova.”

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Ruth 1:20

Naye yavavolera, “Mutanangi, Naomi mba. Muunange, ‘Mara’ kigira Nyasaye Wanyala Viosi okoli livamwoyo liange kuva lilulu.