Kutwula 4:12 - KITABU KITAKATIFU

¹² Kalunu zia! Ndakokonya komoloma, kandi ndakovolera agovoola.”

Kutwula 4:12 ပူးပေါင်းရင်းမြစ်များ

Zaburi 105:26

Maku Nyasaye yatuma mutumikiri weve Musa, kandi Haruni, uwa yaali natovoye.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 32:9

Utava musiru kuli ibarasi anoho sukiri mba, iziamiifwa ni lijamu kandi olokova mu minwa jazio kuzikola zihuliri amalago nukumanya uwazienyekaa zizie.”

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Kutwula 4:13

Navuzwa Musa yamutivulira, “Awa, Yahova, mwaza tuma mundu wundi.”

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Kutwula 4:16

Alava umumolomi woovo kandi ku vandu. Na ivi ulava kuli Nyasaye weve ukumuvoolera agaavoola.

Isaya 49:2

Yakola amakuva gange kuva amuugi kuli kivavi. Yaambisa muchiriri chu mukono gwigwe. Kandi yangola kuva kuli muvano gwu vuta, ogoveeye umwugi kandi gwetegeki kutumika.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Livalidza 16:28

Musa yavolera vandu, “Kugira yaga mulamanya ndi Yahova yamala kunduma kukola vindu yivi kandi sigaveeye kugira litovola liange kuvikola mba.

Marko 13:11

Lwa vamugumira nu kumuhila mu viyaalo, mutahenda mioyo kigira agamuduukanaa kovora mba. Navuzwa muvoore amakuva goosi agamulihevwa ing'inga yeyo kigira simuveeye ni munyi avalivoola, navuzwa Roho Mutakatifu.

Luka 11:1

Lidiku lilala Yeso yaali nasaalaa havundu handi. Lwa yaali niyakamara kusaala, mulala ku aviigi veve yamuvolera, “Mwami kwigize kusaala, kuli Yohana Mubatizi yigiza aviigi veve.”

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Vafeso 6:19

Musaliri kandi kunangwa Nyasaye aduuki kuhaana ku inzi chanyala kovora lwa moloma nuvuluviliri, nokuvuula agaviswa gi Ivangeri.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.