Kutwula 38:18 - KITABU KITAKATIFU

¹⁸ Inguvu yukukinga vwingiliru yaali yirangi ya bulu, muzambarao kandi inzakanyu, na yanavirwa ku amangirinya malahi. Uvutambi vwayo vwali zimita 9 igulu nivuva zimita 2 kuli zinguvu ziukukinga ziu mugizi.

Kutwula 38:18 ပူးပေါင်းရင်းမြစ်များ

2 Kyetsinyinga 3:14

Yalomba inguvu yukukinga Havundu Hatakatifu ligali yirangi ya bulu, muzambarao, inzakanyu, nikatani indahi ligali, ma nazunganyiamu lifana lia vakerubi.

Kutwula 26:1

“Olombe mugati mwi Lihema litakatifu liukuvuganira mu, Lihema liukwaganira mu ninzi, kutura ku vidonye likomi vie katani indahi, vianavwa kutura ku vwoya vwirangi ya bulu, muzambarao kandi inzakanyu. Uviiki ku amangirinya ga vakerubi.

Kutwula 26:36

“Muvwingiliru vwi Lihema olombe inguvu yukukinga kutura ku katani indahi iyanavilwa mu uvwoya vwi irangi ya bulu, muzambarao kandi inzakanyu, kandi iyanavwa vulahi na mangirinya.

Kutwula 38:17

Vwikaliru vwi zitiru vwali vwumugasa, kandi vigumiliru, zinzizi ni vikuniku vie mitwi ji zitiru vialombwa kutura kufeza. Zitiru ziosi ziakumberiza mugizi ziali ziahambanywa harara nizinzizi ziefeza.

Kutwula 38:19

Yadiilwa ni zitiru zine mu vwikaliru vone viu mugasa. Vigumiliru, vikuniku viu kwigulu, ni zinzizi ziazio vialombwa kufeza.