Kutwula 35:31 - KITABU KITAKATIFU

³¹ Nyasaye umali kumuha Roho weve, muvusiza, nu muvogeri, nu mu miyinzi jizing'ano ziosi ziu vusiza,

Kutwula 35:31 ပူးပေါင်းရင်းမြစ်များ

1 Avami 7:14

Baba weve, waali ni yakuza, yaatulaa Tiro, kandi naye yaali muturi wi migasa wizura vogeri nilimanya; mama weve yatura mu ihiiri ya Nafutali. Huramu yaali musiza mugeri kandi wilimanya linyingi ligali Yaavugilira votovoli vwu Mwami Solomoni yamutovola kusingilira miyinzi josi ju mugasa.

2 Kyetsinyinga 2:14

Mama weve yaali mulala ku avi ihiiri ya Dani, na baba weve yiivulwa mu Tiro. Yamanya uvusiza vwo kolomba vindu kutura kuizahabu, ifeza, mugasa, vivia kandi Zimbaho; kandi ku zinguvu zie Irangi yu muzambarao, inzakanyu, bulu kandi ikatani indahi. Anyala kokora miyinzi jokong'ora mangirinya ku magina zing'ano ziosi kandi anyala kolonda livangula ku liosi lie zing'anagani zia anyala koheevwa. Leka ayinziri harara na vasiza vovo kandi harara na yavo avayinziraa na baba woovo, mwami Daudi.

Kutwula 28:3

Laanga avasiza vosi ava mali kuhaana kuvo limanya novogeri kandi uvavoolere vanaviri Haruni zinguvu, kunangwa aduuki kusaalilwa kuli musaalisi mu vutumiki vwange.

Kutwula 31:3

kandi mali kuhaana kuye Roho wa Nyasaye. Mali kumuha ovogeri vwilimanyiriza, vusiza vwi miyinzi ji zing'ano ziosi.

Kutwula 35:30

Musa yavolera avandu va Isiraeli, “Yahova umali kotovola Bezeleli, mwana wa Uri, mwisukulu wa Huri kutura muihiiri ya Yuda.

Kutwula 35:32

no kolomba miyinzi ji feza, ni ju mugasa, nijizahabu

Kutwula 35:35

Umali kuvaha ovogeri vwo kokora miyinzi zing'ano ziosi; avasiza vukuvaaza amagina, avasiza valungikizaa vulahi zing'ano ziosi ziuvusiza, avasiza vukunava ikatani indahi yirangi ya bulu, muzambarao ninzakanyu, kandi avasiza vi zinguvu zing'ano ziosi. Vanyara kokora zing'ano ziosi zie miyinzi kandi vaveeye avageri vukulungikiza miyinzi josi juvusiza.

Isaya 28:26

Amanyi vulahi kuli anyala kokora miyinzi jije, kigira Nyasaye yamala kumwigiza.

Vakolosai 2:3

Kristo niyie uvula ovogeri vwosi kandi limanya lia Nyasaye.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.