Kutwula 34:18 - KITABU KITAKATIFU

¹⁸ “Mulindi nu kwizuliza Lisavo liu mugadi gutaveeye mu namamera. Kuli mali kukulaga, mulalia mugadi gutaveeye mu na mamera ku madiku saba, mu mweli gwa Abibu, kigira gwaali mu mweli zana yigwo gwa mwatula Egebeti.

Kutwula 34:18 ပူးပေါင်းရင်းမြစ်များ

Kutwula 12:2

“Mweli gunu gulava umweli gwunyu gwukutanga ku muhiga.

Kutwula 12:42

Yivu vwali uvudiku vwa Yahova yavalinda nukuvatuliza mukivala cha Egebeti; uvudiku yivu vulava ukwizuliza Yahova ku mihiga josi jizaa kuli uvudiku vwa vandu va Isiraeli vaduukana kwizuliza nu kulinda amalago gi lipasaka lia Yahova.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 13:4

Muturaa mu Egebeti lidiku yili mu mweli gwukutanga, mweli gwa Abibu.

Kutwula 23:14

“Mulindi kandi mwizurizi masavo gavaga ku muhiga kuhaana luyali ku inzi.

Kutwula 23:15

Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Kyavalevi 23:6

Ku lidiku lie likomi na gatano liu mweli yigwo, Lisavo liange liu mugadi gutaveeye mu na mamera litangaa. Ku madiku saba kuduuka mulie mugadi gwalombwa vugira mamera.

Livalidza 28:16

Lidiku lia 14 ku mweli gwu kutanga, lilava lidiku lie lisavo lie Lipasaka liu kuhaana luyali ku Yahova.

Livalidza 28:17

Lidiku lia kumi na tano liu mweli gwene yigwo, lilava lidiku liu kutanga lisavo, na lilamala madiku saba. Mumadiku yaga, mulalia mugadi gutaveeye na mamera.

Marko 14:1

Gaali ni gakikiri amadiku gaviri vuzwa Lisavo lie Lipasaka numugadi gutali na mamera liduuki. Avasaalisi vanene na avigizi vi Lilaga vaali ni venya inzira yu kugumilira Yeso mu vwivisu vaduuki kumwita.

Luka 22:1

Ing'inga yi Lisavo liu Mugadi gutali mu na mamera, ililangwa Lipasaka, liali ahimbi kuduuka.

Vikolwa 12:3

Lwa yalora kekolwa yiki kiyaanzizi Avayuda, yazia kandi, kugumira Petero. Yaga gekolekaa mu madiku gi Lisavo lie Migadi jitaveeye mu na mamera.