Kutwula 34:16 - KITABU KITAKATIFU

¹⁶ Avayaayi vinyu vanyara koleta avakali vageni, avanyala kuvakola vavuli kuva avasuuvirifu ku Inzi, kandi vasigamiri avanyasaye vaavo.

Kutwula 34:16 ပူးပေါင်းရင်းမြစ်များ

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

1 Avami 11:1

Solomoni yayanza vakali vageni vanyingi. Komeeda ku mukaana wu mwami wa Egebeti, yaleeta vakali Vahiti kandi vakali kutura Moabu, Amoni, Edomu na Sidoni.

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Ezara 9:12

Vaakovolera kuvuli kuhaana vakana viitu ku vayaayi vi zihiiri zindi kuva vakali vaavo, anoho kuvuli kuvugura vakana vaavo kuva vakali va vayaayi viitu. Vaakovolera kuvuli kwenya mirembe jukuvugilizana kutura kuvo, kunangwa kuduuki kuva ni zinguru kandi kuduuki konyoora ivindu vilahi mu kivala yiki; kandi vakovolera kuvuli kuva imiandu ku visukululwi vietu mihiga ni mihiga.

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Nehemia 10:30

Kunyi sikulaleetana na vageni vamenya mu kivala chietu mba.

Nehemia 10:31

Niiva avageni valaleta vuswage kinga ivindu vindi viosi kukugulizira ku lidiku lie Lisabato anoho ku lidiku lindi liosi litakatifu, kunyi sikulavigula kutura kuvo mba. Vuli muhiga gwa saba, sikulalima milimi mba, kandi kulaleka livanza magovi goosi.

Nehemia 13:23

Ku ing'inga yeyo, ndaanyoora ndi vasaza avanyingi Vayuda vaali nivaleeta avakali kutura Ashidodi, Amoni kandi Moabu.

Nehemia 13:25

Ndavagondokera nukuvalaama, niimbakuya, nukumanyula masu gaavo. Maku ndaaviisuuhiza mu lieta lia Nyasaye ndi yavo kinga avana vaavo sivalaletana kandi na avageni kali hakuzu mba.

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Kyavalevi 21:15

Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”

Joshua 23:12

Nimuvula kuva avasuuvirifu nukuhambana ni zihiiri zikitigaye hagati hinyu na muleetane navo,

Joshua 23:13

muve nilimanya ndi, Yahova Nyasaye winyu sialazizagilira kukunga zihiiri yizi ziituli lwa muvingilira mba. Nitali, valava uvuhiimwa ku munyi kuli mutego, anoho ovogo kandi vuzunu kuli kevogo cho lokova, ku migongo jinyu anoho amafwa mu zimoni zienyu. Vindu viukutihiza yivi vilazizagilira kwekoleka ku munyi kuduuka lwa mudiva kutura mu kivala kilahi yiki cha Yahova Nyasaye winyu yamuha.

Vakalagi 14:3

Navuzwa baba weve na mama weve vamuteeva, “Kigira ki wenyaa koleta umukali kutura mu vandu va Filisitia avatamanyi Nyasaye? Siunyala konyoora umukana kutura munyumba yitu yene anoho hagati ha vandu viitu vosi?” Samusoni yavolera baba weve, “Zia ondetere kigira yaakumala kunyaanziza.”

Vakalagi 3:5

Maku vandu va Isiraeli vamenya hagati ha vandu va kanani, Hiti, Amori, Ferizi, Hivi na Jebusi.

Vakalagi 3:6

Kunangwa valeta vakali kutura muvo, kandi nivasigamira vanyasaye vaavo.

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.