Kutwula 33:12 - KITABU KITAKATIFU

¹² Musa yavolera Yahova, “Henza, gaveeye agiligali ndi ivi umali kombolera nzimiliri avandu yava kuzia mu kivala yicho, navuzwa siomboleye nivwaha wautumaa kuzia harara ninzi mba. Umali kovora ndi umanyi vulahi ligali kandi uyanziziywi ninzi.

Kutwula 33:12 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

2 Samweli 15:25

Maku Mwami Daudi yavolera Zadoku, “Yiranyia Lisandugu lieligana mu Lidaala linene. Niiva Yahova ayanziziywi niinzi, lidiku lilala alakaleke ndirane kulilola kandi havundu ha limenya.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Kutwula 3:10

Kalunu ngutumaa ku Mwami wa Egebeti kunangwa uduuki kwimilira avandu vange kutura mu kivala chiche.”

Kutwula 3:4

Lwa Yahova yalora ndi Musa yisunda ahimbi alole, yamulanga kutura hagati hikisaka navoora, “Musa, Musa!” Naye yahugira “Mbeeye hano.”

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Kutwula 33:1

Yahova yavolera Musa, “Tuli havundu hano, ivi harara na avandu vawaleeta kutura Egebeti, kandi muzie mukivala cha ndasuuviriza kuhaana ku Aburahamu Isaka na Yakobo kandi kuvisukululwi viavo.

Kutwula 33:17

Yahova yavolera Musa, “Ndakora kuli umali koteeva, kigira ndakumanya vulahi ligali kandi nyanziziywi nivi.”

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 45:3

Ndakuha miandu kutura havundu haviswa mu kisundi; maku uduuki kumanya ndi inzi mbeeye Yahova, kandi Nyasaye wa avandu va Isiraeli umali kulanga ivi ni lieta.

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.