Kutwula 32:4 - KITABU KITAKATIFU

⁴ Naye yavugula zinono yizio kutura mu makono gaavo, naziviika mukisambiru zisaluluki, niyitulura izahabu zana mu kelongero, nagivaaza nuluvaziru, nalomba kemoli kigiriki yizahabu. Avandu vavoola, “Isiraeli, uyu niyie munyasaye wiitu, uwakwimilira kutura Egebeti!”

Kutwula 32:4 ပူးပေါင်းရင်းမြစ်များ

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

1 Avami 12:32

Jeroboamu kandi yatangiza lisavo ku lidiku lia 15 liu mweli gwa munane, kuli lisavo liali Ivuyuda. Vahaana visiuviliru ku vanyasaye vi vimoli vigiriki via yaali naalombi, kutura ku ifeza mu Bezeli, kandi yavika yo avasaalisi vatumika havundu hukusigamira misambwa ha yaali niyumbaki.

2 Avami 10:20

Maku Jehu yavoola, “Landizi lidiku lie Lisigamira lia Baali.” Kunangwa valandiza.

2 Avami 10:29

Navuzwa Jehu siyagirung'ana kutura mu vwoni vwa Jeroboamu muyaayi wa Nebati, uvwa yalomba avandu va Isiraeli kokora mba, lisigamira lie vifananyi vie vimoli vie zahabu ha Bezeli kandi ha Dani.

2 Kyetsinyinga 11:15

Jeroboamu yetovolera avasaalisi veve mwene kutumika havundu hu kusigamira kandi vanyasaye vandi kandi kusigamira mademoni nivifananyi via yalomba mu lifana lie vimoli vigiriki.

2 Kyetsinyinga 13:8

Kalunu muganaganaa kulwaana nu vwami vwu vunyali uvwa Yahova yahaana ku visukululwi va Daudi. Munyi muveeye ni liihi linene ligali kandi muveeye ni vifananyi vie zigiriki zie zahabu via Jeroboamu yalomba muvisigamiri.

Nehemia 9:18

Yee, kali lwa velombera aveene kifananyi che kemoli nukukisigamira kandi nivakonyega ku livoora, Uyu niyie munyasaye wakohonyia kutura Egebeti!

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 20:23

Mutelombera avanyasaye vi izahabu anoho vizifeza vave viukusigamirwa komeeda ku inzi mba.

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kutwula 28:11

Wenye musiza wilimanya kuvaaza magina guvuguli kong'oda amita ga vayaayi va Yakobo ma ugaviiki mu vivohero viezahabu.

Kutwula 28:9

Uvuguli magina gaviri malahi ma ong'ode ku amita likomi na gaviri ga vana va Yakobo,

Kutwula 32:1

Lwa avandu valora ndi Musa ulindagiyi kwika kutura mukigulu, vivungikiza himbi na Haruni, nivamuvoolera, “Sikumanyi ikimali kwekoleka ku mundu uyu Musa uwakwimilira kutura Egebeti mba; kunangwa okolombere umunyasaye unyala kukwimilira.”

Kutwula 32:24

Inzi ndavateeva vandeetere viju viavo viezahabu, na yavo avaari navio vaamba. Ndaaviviika mu muliru, kandi chatula mu ekemoli chi igiriki yiki.”

Kutwula 32:3

Kunangwa avandu vosi vatuliza zimingiri ziosi ziezahabu ziavaali nazio mu matu gaavo, nivazileeta ku Haruni.

Kutwula 32:35

Kunangwa Yahova yatuma vulwaye vudamanu ku avandu, kigira vaakora Haruni kolomba kemoli chizahabu.

Kutwula 32:5

Maku Haruni yumbaka uvwali imbiri wi igiriki yizahabu ma nalandiza kovora, “Mugamba lilava lidiku lie lisavo kuhaana luyali ku Yahova.”

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 46:6

Avandu vatuliza izahabu mu zimuya ziavo, kandi vagera ifeza ku vibimu. Venya muturi wi zahabu wi mitungu ma alombe munyasaye wi zahabu, maku vamwinamiri kandi vamusigamiri!

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Vikolwa 7:41

Gaali mu madiku yago aga velombera kifananyi che kemoli, nivahaana kucho, visiuviliru nivasangalira kifananyi chaali cha makono gaavo aveene.

1 Vakorintho 10:7

kinga kusigamira vifananyi kuli valala kuvo vaali. Kuli Mang'oda Matakatifu gavoora, “Avandu viikara ku lilia kandi iliinwa, liamanya niligirung'ana kuva ilisavo liu kusigamira vifananyi.”

Kwidzulitsa 9:16

Lwa ndahenza, ndaalora ndi mwali nimumali kwona ku Yahova Nyasaye winyu ku lielombera aveene kifananyi chalongwa ku kivia mulifaana lie kemoli. Mumali kugirung'ana nonoho kutura kunzira ya Yahova yamulaga.

Vakalagi 8:24

Navuzwa yaazizagilira kovora, “Nyenya koteeva munyi ikindu kilala. Vuli mulala ku munyi alaanzilanyila izimingili ziumumatui ziamwa vugula kutura muvulwani.” (Avamidiani kuli avandu vandi avamenya mu ligendanyama vaali ni zimingiri zie zahabu ziumumatui.)

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.