Kutwula 32:2 - KITABU KITAKATIFU

² Haruni yavavolera, “Tulizi zimingiri zie izahabu ziveeye mumatu ga vakana na vayaayi vinyu kandi avakali vinyu, mundeetere.”

Kutwula 32:2 ပူးပေါင်းရင်းမြစ်များ

Litanga 24:22

Lwa yaali ni yakamala kunwehiza zing'amia mazi, mutumikiri yavugula ebede yizahabu iyuvulitu ziguramu 6 ma naviika kumulugu gu mukaana uyu, kandi naviika visambo viviri vie zahabu ku makono geege iyuvulitu ziguramu 115.

Litanga 24:47

Ndaamuteeva, ‘Ivi nu mukaana wa vwaha?’ Naye yativura, ‘Inzi mbeeye umukana wa Bezueli mwana wa Nahori, Mama wange ni Milika.’ Maku ndaamuha ebede kandi nimbika visambo ku makono geege.

Kutwula 20:23

Mutelombera avanyasaye vi izahabu anoho vizifeza vave viukusigamirwa komeeda ku inzi mba.

Kutwula 32:3

Kunangwa avandu vosi vatuliza zimingiri ziosi ziezahabu ziavaali nazio mu matu gaavo, nivazileeta ku Haruni.

Kutwula 35:22

Vandu vosi vaali nilienya, vombi avakali na vasaza, valeta magina guvuguli, zing'ano ziosi, zimingiri ni viju vindi viosi viezahabu. Vuli mundu yaleeta kindu chi zahabu kuva ikihaanwa ku Yahova.

Tsing'ano 25:12

Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.

Isaya 3:19

kandi ku makono gaavo kandi zinguvu zikunikaa muzimoni ziavo,

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Ezekieli 16:17

Munyi kandi mwavugula magina guvuguli agandamuha, agalombwa ku ifeza nizahabu, ma nimwelombera vifananyi visaza kandi nimukora ovoheyi navio.

Hosea 2:8

Si alamanyiriza ndi ni Inzi wamuha uvuswage, Iwaini, amaguta, ifeza kandi izahabu ya yatumikira mu lisigamira Baali mba.