Kutwula 3:2 - KITABU KITAKATIFU

² Uwene yeyo, engelosi wa Yahova yaloleka ku Musa kuli lomemo lwu muliru nilutulaa hagati hi kisaka. Musa yahenza naalora kisaka yikio chaduuka umuliru, navuzwa sichahiizaa mba.

Kutwula 3:2 ပူးပေါင်းရင်းမြစ်များ

Litanga 21:17

Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 22:11

Navuzwa engelosi wa Yahova yamoloma nu mwoyo munene kutura mu ligulu, “Aburahamu, Aburahamu!” Yativura, “Yee, inzi mbeeye hano.”

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

Zaburi 66:12

Ivi waleka avasigu viitu kukuduvagira hasi; kwavitira mu muliru kandi mu amazi amanene, navuzwa kalunu, ivi umali kokoleta havundu hi mirembe.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Kutwula 23:20

“Ndatuma engelosi imbiri winyu kumukinga lwa mugendaa kandi ndamuleeta havundu ha ndaamwetegekizira.

Kutwula 24:17

Vukumi vwa Yahova vwaloleka kuli muliru gusambaa kondonyozi kwi kiguru imbiri wa avandu va Isiraeli.

Kutwula 3:16

Uzie uvuganyie harara aviimiliri va Isiraeli vosi uvavoolere ndi, Inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo, ololeki ku ivi. Uvavoolere ndi, Ligali umali kuuza kuvo kandi mali kolola ga vandu va Egebeti vamukolera.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Danyeli 3:27

Avana vu vwami vosi aviimiliri vu mwami, na vamiihi visunda himbi ha vasaza vavaga yava vavura kusalilizwa nu muliru. Muliru si gwasamba liisu liavo anoho zinguvu ziavo mba. Kandi sivali nu mwika gwu mwoki mba.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Marko 12:26

Na kigira amakuva gi lisimuguka lia vakuzu: mukikiri kosoma mu kitabu cha Musa mu zimbaso zivoolaa amakuva gi kisaka ichaduka umuliru? Kuli Nyasaye yamoloma na Musa namuvolera, ‘Inzi ni Nyasaye wa Aburahamu, Nyasaye wa Isaka na Nyasaye wa Yakobo?’

Luka 20:37

Musa amanyia havulavu ndi avakuzu vasimugukizangwa. Mu zimbaso zivoolaa amakuva kigirakisaka chaadukaa muliru, Musa amolomaa ku Mwami kuli aveeye, ‘Nyasaye wa Aburahamu Nyasaye wa Isaka, kandi Nyasaye wa Yakobo.’

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Kwidzulitsa 33:16

Kivala chavo chizuli vindu viosi viveeye vilahi. Ikigaasiziywi nu vugasu vulahi vwa Yahova Nyasaye uwamoloma kutura mu kisaka chaadukaa muliru. Uvugasu yivu vuduuki ku ihiiri ya Josefu. Kigira yaali mwimiliri hagati ha avamwavo veve.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Vakalagi 13:13

Engelosi wa Yahova yavoola, “Umukali woovo kuduuka akole aga inzi muvooleye goosi.