Kutwula 29:46 - KITABU KITAKATIFU

⁴⁶ Valamanya ndi, inzi mbeeye Yahova, Nyasaye wavo wavaleeta kutura mu kivala cha Egebeti kunangwa nduuki komenya hagati haavo. Inzi mbeeye Yahova Nyasaye wavo.

Kutwula 29:46 ပူးပေါင်းရင်းမြစ်များ

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 114:2

Yahova yakola ihiiri ya Yuda kuva avandu vatakatifu veve Isiraeli vaagwa miandu jije.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 25:8

Kuduuka avandu vanombere lihema hatakatifu, kunduuki komenya hagati haavo.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Ezekieli 34:24

Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 18:30

Yahova yavoola; “Mulonde malago gamuhezaa na mutalonda vikolwa via avandu avamenyaa mu kivala yicho imbiri winyu mba. Muteyonogonyi munyi vene mu likora kilala ku vindu yivi mba. Inzi mbeeye Yahova, Nyasaye winyu.”

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 26:11

Ndamenya hagati hinyu mu Lihema liange litakatifu, kandi sindagirung'ana kutura ku munyi mba.

Kyavalevi 26:12

Ndava ni munyi; Ndava Nyasaye winyu, na munyi mulava avandu vange.

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.

Livalidza 16:3

Vavugana harara kuhing'ana na Musa na Haruni, nivavavoolera, “Munyi muvitiliri! Avandu vosi vaveeye avatakatifu, vuli mulala kuvo kandi Yahova aveeye harara navo. Kigira ki munyi mwekora kuva avanene vu muganda gwa Yahova?”

1 Samweli 10:18

navavoolera, “Yahova, Nyasaye wa Isiraeli avoora, ‘Ndaamutuliza mu kivala cha Egebeti kandi nimuhonyia kutura ku vandu va Egebeti kandi ku vandu vandi vosi avaari nivamudambizaa.