Kutwula 29:38 - KITABU KITAKATIFU

³⁸ “Vuli lidiku ku zing'inga ziza, uhaane visiuviliru vie vimeme viviri ku vwali iviveeye umuhiga mulala.

Kutwula 29:38 ပူးပေါင်းရင်းမြစ်များ

Litanga 22:7

Isaka yavoola, “Baba!” Yativura, “Yee muyaayi wange?” Isaka yateva, “Inzi ndolaa ndi oveeye namanda kandi niziingu, navuzwa kememe chi ligondi keveeye haliha chukwita kigira kisiuviriru?”

1 Kyetsinyinga 16:40

Vuli mugambazuri na hamugorova vasamba visiuviliru vigima ku vwali kolondekana na agang'odwa mu Lilaga lia Yahova yahaana ku Isiraeli.

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

2 Kyetsinyinga 2:3

Solomoni yatuma makuva ku Mwami Huramu wa Tiro: “Yaanza kola likiranyia nainzi kuli wakola na baba wange mwami Daudi, lwa wamugulizira misaala ji Midaragwa ju kwumbakira inyumba yeeye yu vwami.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 29:7

Vahana viliango vie Litembeli, nivasiminya zitaya, kandi vavura kusamba vimuli anoho kuhaana vihaanwa viu kusamba mu Litembeli lia Nyasaye wa Isiraeli.

2 Kyetsinyinga 31:3

Lihaana liu mwami liatula ku vutugi vwivwe, na viahaanwa kuva kuli vihaanwa viu kusambwa via mugambazuri na ha mugolova, kandi ku masabato, mieli mihia, kandi ku masavo gatovolwa kuli gang'odwa mu lilaga lia Yahova.

2 Kyetsinyinga 8:13

Yahaana vihaanwa viu kusamba kolondekana na malago gi lilaga lia Musa kigira vuli lidiku litakatifu lie lisabato, mweli muhia gwa masavo gi migadi jitali na mamera, amasavo gi ligesa, kandi amasavo gi vidioli.

Ezara 3:3

Kali niiva avandu viranaa kutura mulihaminywa vaatia avandu vamenya mu kivala yicho, vumbaka vuhia vwali ha vwaalange maziambiri. Maku vatanga kusambiraku kuli kazozo visiuviliru ku Yahova viamugambazuri kandi via mugorova.

Ezara 3:5

Inyima wa yago vahaana zisadaka zia vuli ing'inga ziukusambwa, nivisiuviliru viukuhaana viu mweli muhia numumavugano gandi goosi via Yahova asigamirwa, kandi na yivio viosi ivialetwa kuli vihaanwa viukwihaana ku Yahova.

Kutwula 40:29

Uwene yeyo, imbiri wi isuuka, yavika yo uvwali vwu kusambira ku vihaanwa, yitira ku kisiuviriru chukusambwa kandi nahaanira ku kihanwa chu vuswage, kuli Yahova yaali naamulagi.

Ezekieli 46:13

Yahova avoora, “Vuli mugamba ligondi liu muhiga mulala liveeye vugira imbara lilasambwa kuli isadaka ku Inzi. Isadaka yiyi ilahaanwa vuli lidiku.

Ezekieli 46:15

Kememe chi ligondi, vusie kandi maguta vilahaanwa ku inzi kazozo kandi vuli mugamba.”

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Kyavalevi 3:5

Avasaalisi valasaamba yivi viosi ku uvwali harara ni Vihaanwa viu kusambwa. Lifunya mwayu gwi kihanwa chi chukulia yiki liveeye liu kuyanziza ku Yahova.

Kyavalevi 6:9

ahaane ku Haruni harara na vayaayi veve malago yaga kigira vihaanwa viu kusambwa. Kihanwa chukusambwa kuduuka kelekwe ku uvwali vudiku vwosi vugira kusiminya muliru.

Kyavalevi 9:17

Yahaana kandi kihanwa chu vuswage navugura luhi lulala lwu vusie, naavusambira ku uvwali komeeda ku kihanwa chukusambwa cha mugambazuri.

Livalidza 29:6

Muhaane yivi komeeda ku vihaanwa via kase viukusambwa vie lidiku liu kutanga liu mweli harara ni kihanwa chu vuswage, kandi kihanwa chu kusambwa cha vuli lidiku harara ni kihanwa chu vuswage kandi kihanwa chiwaini. Vihaanwa vie chukulia yivi vive nu mwayu mulahi guyaanzizaa Yahova.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.