Kutwula 29:25 - KITABU KITAKATIFU

²⁵ Maku uvivuguli kutura mu makono gaavo na uvisambiri ku vwali, igulu wi kihanwa chu kusambwa, kuva kuli kihanwa chu chukulia ku inzi. Mwayu gwi kihanwa yiki goveeye liyaanziza ku inzi.

Kutwula 29:25 ပူးပေါင်းရင်းမြစ်များ

Litanga 8:20

Nuhu yumbakira Yahova uvwali. Yavugula inyama indala inifu ku vuli zinyama ziosi, kandi linyonyi lilala lilahi ku vuli amanyonyi goosi, ma nasambira ku vwali kuli kihanwa ku Yahova.

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Kutwula 29:18

Usambiri iligondi yili ku vwali kuli ikihaanwa chukusambwa. Umwayu gwi kihanwa yiki gunyaanzizaa.

Kutwula 29:24

Uviiki iviukulia yivi viosi mu makono ga Haruni na vayaayi veve, kandi uvavoolere vaviviki halovega kuva ikihaanwa lehagimwa.

Kutwula 29:41

Uhaane ekememe chakaviri hamugorova harara ni kihanwa kilala chere chu vusie, amaguta ga muzeituni ni iwaini kuli ikibimu cha hamugamba. Yiki ni kihanwa chi chukulia ku inzi Yahova, kigira umwayu gwacho nu mulahi ligali ku inzi.

Kyavalevi 1:13

Mwene kihanwa alogiza vindu viu munda viosi ni virenge vie inyima. Musaalisi alavihaana viosi nukuvisamba ku uvwali. Keveeye kihanwa chukusambwa, kihanwa chu muliru, ichukufunyira Yahova mwayu mulahi gwu kuyaanziza.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Kyavalevi 10:13

Mujihili havundu hatakatifu, kigira keveeye kidonye chicho kandi cha vayaayi vovo ku vihaanwa vihaanwa ku Yahova. Yaga nigo malago ga Yahova yandaga.

Kyavalevi 2:11

Vuli kihanwa chu vuswage kihanwa ku Yahova, gaduukanaa kelombwe vugira mamera anaho vwuki.

Kyavalevi 2:16

Musaalisi alasamba kedonye chu kwizuliza chu vuswage chasievwa, na maguta ga muzeituni kandi harara ni kimuli choosi, keveeye kihanwa chu kusambwa ku Yahova.

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Kyavalevi 2:9

Musaalisi alavugula kedonye chagwo kuli chukwizulizira ku kumanyia ndi choosi kimali kuhaanwa ku Yahova, kandi alakisambira ku uvwali. Lifunya mwayu lie kihanwa chi chukulia yiki liveeye liu kuyaanziza ku Yahova.

Kyavalevi 3:11

Musaalisi uva nakora muyinzi yigu, alavisaamba viosi ku uvwali, kuli kihanwa chi chukulia kihaanwaa chu muliru ku Yahova.

Kyavalevi 3:14

Alahaana vidonye vie kisiuviriru yivi kuli kihanwa chi chukulia ku Yahova. Itinya yoosi eveeye ku vindu viu munda;

Kyavalevi 3:16

Musaalisi alavisaamba viosi ku uvwali kuli kihanwa chi chukulia, chu kuyanziza Yahova. Itinya yoosi eveeye ya Yahova.

Kyavalevi 3:3

Kutura ku kihanwa chi mirembe zana, alahaana vidonye vie kisiuviriru yivi ku Yahova: itinya yoosi eveeye ku vindu viumunda viosi,

Kyavalevi 3:5

Avasaalisi valasaamba yivi viosi ku uvwali harara ni Vihaanwa viu kusambwa. Lifunya mwayu gwi kihanwa chi chukulia yiki liveeye liu kuyanziza ku Yahova.

Kyavalevi 3:9

kandi alahaana viungu vie inyama yivi kuli kihanwa ku Yahova, itinya yacho, itinya yoosi yu musembe nigukaliywi kutura ku kigumba chu mugongo, itinya yoosi ifumaa vindu viu munda viosi,

Kyavalevi 7:25

Mundu woosi uva nalia itinya yi inyama iva nihaaniwi kuli kihanwa chi chukulia ku Yahova, alatulizwa hagati ha vandu veve kandi sialavalizwa kuva mulala ku vandu va Nyasaye mba.

Kyavalevi 7:5

Musaalisi alavisaamba viosi kuvwaali kuli kihanwa chi chukulia ku Yahova. Keveeye kihanwa cha mahiolo.

Kyavalevi 8:28

Maku Musa yavivugula kutura mu makono gaavo, naavisamba ku uvwali kwigulu kwi kihanwa chukusambwa kuli kihanwa chukutakasa. Yiki nikihaanwa chichukulia kihaanwaa ku Yahova, kiduuki kumufunyira mwayu gwukumuyaanziza.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

1 Samweli 2:28

Ndatovora avinyumba yeeye kuva vasaalisi vange, kutura mu zihiiri ziosi zia Isiraeli, kutumika ha vwali, kusaamba kimuli kandi kwivika kisibaho imbiri wange ukwenya zing'anagani kutura ku inzi. Kandi ndavaha uvunyali vwu kuvugura kedonye chi visiuviliru viukusambwa ku vwali.