Kutwula 28:12 - KITABU KITAKATIFU

¹² Uviiki magina zana ku migoye jamavega ji kisibaho gave magina gukwizulizira ku zihiiri zia Yakobo. Munzira yiyi Haruni alagiinga amita gaavo ku mavega geege, kunangwa inzi, Yahova, ndizuliza avandu vange kazozo.

Kutwula 28:12 ပူးပေါင်းရင်းမြစ်များ

Ayubu 31:36

Ngano ndakagiviiki ku mavega gange ni liegingira, kandi ngano ndakagevohi ku mutwi kuli itaji.

Zaburi 89:19

Ivi wavoolera mu malola mutumikiri woovo musuuvirifu, mu madiku ga kale, “Inzi mali kuhaana ovokonyi ku musikari muguuti; mali kuhaana uvwami ku mulala wa inzi mali kotovola kutura mu avandu.

Kutwula 12:14

Lidiku yili lilava kuli liukwizuliza ku munyi; Gamudukira muligumili live kuli lidiku lie Lisavo ku Yahova. Mulalilinda kuli lilago mihiga ni mihiga.”

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 28:11

Wenye musiza wilimanya kuvaaza magina guvuguli kong'oda amita ga vayaayi va Yakobo ma ugaviiki mu vivohero viezahabu.

Kutwula 28:29

“Lwa Haruni yingira Havundu Hatakatifu, aliviika isalamba yiyi iyavazirwa mu amita gi zihiiri zia Isiraeli; kunangwa inzi, Yahova, ndizuliza kazozo avandu vange.

Kutwula 28:7

Kisibaho kilava ni migoye giviri ja kinyala kovohelwa ku mavega kandi kuhambanywa ku zinduru ziacho.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 62:6

O, Jerusalemi, mali kuviika avasikari ku amadigi giinyu. Si valachiring'ana mu muvasu gwosi kandi mu vudiku vwosi mba. Munyi avizulizaa Yahova, mutaleka amwiviliri mba.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Kyavalevi 24:7

Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi.

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

Livalidza 31:54

Kunangwa Musa na Elieza vahiraa ifeza mu Lihema lia Yahova, kunangwa Yahova aduuki kukinga vandu va Isiraeli.

Luka 1:54

Vaduukiza lilagana lia yalagana na vaguuga; kandi umali kuza kokonya mutumikiri weve Isiraeli.

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

1 Vakorintho 11:24

kandi lwa yamala kuhaana lisandiza ku Nyasaye, yameganyia navoora, “Yigu nu muviri gwange ogomeganyirwa munyi. Mukore ndi vuli Iwosi kunzizuliza.”

Kwidzulitsa 33:12

Musa yavoola ku ihiiri ya Benjamini; “Yiyi ni ihiiri ya Yahova ayaanza kandi akingaa; Avalindaa mbasu gwosi, Kandi amenyaa hagati haavo.”

Joshua 4:7

mulakavavoolere ndi amazi ga Jorodani gavula kuvita lwa Lisandugu lie Lilagana lia Yahova liambuka mugera gwa Jorodani. Amagina yaga galagizulizi avandu va Isiraeli kazozo ichekolekaa hano.”