Kutwula 25:37 - KITABU KITAKATIFU

³⁷ Uhambizi zitaya saba ku kinaara na uziviiki higulu ziduuki kong'ereng'ana imbiri wacho.

Kutwula 25:37 ပူးပေါင်းရင်းမြစ်များ

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

2 Kyetsinyinga 4:20

vinara vie zitaya ni zitaya zie zahabu indahi izienyekaa ziaduki imbiri wa Havundu Hatakatifu ligali, kolondekana ku lilohiza;

Zaburi 119:105

Likuva liilio liveeye itaya kunzimilira, kandi uvulavu kunzira yange.

Kutwula 25:38

Ivisiminyiru viacho, ni zisahani ziazio uvilombe ni zahabu indahi ligali.

Kutwula 27:21

Haruni na vayaayi veve valahambiza itaya mu Lihema liukuvuganira mu ichova winguvu yukukinga eveeye imbiri wi lisandugu lie lilagana. Ahene yaho, imbiri wange iladuuka kutura hamugorova kuduuka mugambazuri. Lilaga yili lilakolwa na avandu va Isiraeli nivisukululwi viavo mihiga ni mihiga.

Kutwula 30:8

Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza.

Kutwula 37:23

Yalomba zitaya saba zie kinaara chitaaya, kandi yalomba vigumiliru viacho, ni zisahani ziacho kutura ku izahabu indahi.

Kutwula 40:24

Yavika kinaara chitaaya mu Lihema liukuvuganira mu na Yahova, kolovega lwi isavaalu, kohenzana nemesa zana.

Kutwula 40:25

Yahambiza zitaya aheene yaho imbiri wa Yahova, kuli Yahova yaali naamulagi.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Zekaria 4:2

Yandeva “Olola kindiki?” Ndaamutivulira, “Kinaara chitaaya chalombwa kuzahabu; ibakuli ya maguta yaali kwigulu kwacho. Kwigulu kwi kinaara chitaaya yiki kwaliku ni zitaya 7. Vuli itaya yaali na havundu hi zindambi 7.

Livalidza 4:9

Valavugula inguvu ya bulu ma vakuniki ku kinaara chi taya, harara ni zitaya ziacho, makasi, izinju, harara ni viju viosi via maguta.

Livalidza 8:2

“Ovoolere Haruni ndi, lwa aviikaa zitaya 7 ku kinaara, azilohizi kunangwa uvulavu vwazio vuduuki kwaka imbiri wi kinaara.”

Matayo 5:14

“Munyi muveeye kuli uvulavu vwi lirova liosi! Lidaala liumbakwa ku kiguru silinyala kuviswa mba.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 12:5

“Kigira ki amaguta yaga gavuli kugulizwa zidinari mia tatu, na zilahevwa avadaka?”

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Likunula 1:12

Kunangwa, ndaagirung'ana nduuki kolola mundu wamoloma kuinzi; lwa ndiikivuka, ndaalora ivinaara vie zitaya saba vie zahabu.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 4:5

Ling'ereng'ana lio oloheni, imioyo ja avandu harara ni lihirigana lie zinguba, viahulirika kutura kondeve yu vwami yeyo. Izitaaya saba ziu muliru ziaka imbiri wendeve yu vwami. Izitaaya yizio ziveeye Roho saba va Nyasaye.