Kutwula 25:30 - KITABU KITAKATIFU

³⁰ Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.

Kutwula 25:30 ပူးပေါင်းရင်းမြစ်များ

1 Avami 7:48

Solomoni yalomba viju viu Mulitembeli ku zahabu: Vwali, emesa yu mugadi mutakatifu,

1 Kyetsinyinga 23:29

ukusingilira mugadi guhaanwa ku Nyasaye, uvusie vunyuki vutumikirwa mu vihaanwa, mugadi vugira mamera, vihaanwa viu vusie vwazuganywa na maguta ga muzeituni, ukubima uvulitu no vonene vwi vihaanwa viletwaa mu Litembeli;

1 Kyetsinyinga 9:32

Na avandu vi kiliango cha Kohazi, vaali nu vunyali kusingilira kolomba migadi mitakatifu vuli lidiku lie Lisabato mu Litembeli.

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

2 Kyetsinyinga 2:3

Solomoni yatuma makuva ku Mwami Huramu wa Tiro: “Yaanza kola likiranyia nainzi kuli wakola na baba wange mwami Daudi, lwa wamugulizira misaala ji Midaragwa ju kwumbakira inyumba yeeye yu vwami.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

Kutwula 35:13

ne emesa, nizitiiru ziayo, niviju viayo viosi; mugadi mutakatifu gwu kuhaanira Nyasaye;

Kutwula 39:36

Emesa ni viju viayo viosi kandi mugaadi mutakatifu guhaanwa ku Nyasaye

Kutwula 40:23

naviika ku mugadi guhaanwa ku Yahova, kuli Yahova yaali naamulagi.

Kutwula 40:4

Oleeta mu emesa kandi uviiki ku viju zana. Yingiriza mu kandi kinaara chitaaya, kandi uhambizi zitaya ziacho.

Ezekieli 41:22

uvwali vwi zimbaho. Uvutambi vwacho vwali imiita 1 ninusu kandi vuvambalaru 1 ninusu. Zimbaho ziu muzikona javwo, nuvutambi kandi numuzimbega ziosi vwalombwa ni zimbaho. Mundu uyu yambolera, “Yiyi niyio emesa eveeye imbiri wa Yahova.”

Malaki 1:12

Navuzwa munyi simuhaanaa luyali ku inzi lwa muvooraa ndi vwali vwange sivoveeye kindu, kandi lwa muhaaniraaku viukulia vioneka.

Malaki 1:7

Munyi munjayaa kuli ndi; muhaana ku vwali vwange viukulia vioneka. Maku muteeva, ‘Kunyi sikuhaana ndi kuhaana luyali ku ivi?’ Inzi ndamuvolera, mukoraa ndio mu lichaya vwali vwange.

Livalidza 4:7

Valala komesa inguvu ya bulu kigira mugadi mutakatifu, ma vaviiki ku zisahani, viju vie vifunya mwayu, zibakuli zie sadaka kandi vikombe vie iwaini. Mugadi gulava komesa kazozo.

Matayo 12:4

Daudi yingira mu nyumba ya Nyasaye harara na avache veve, ni valia imilaango ji migadi mitakatifu. Sigamuduukira oyo anoho avache veve kulia migadi yiji nivataveeye avasaalisi mba.

Vahebraina 9:2

Lihema liumbakwa liali niving'oze viviri. Mu keng'oze chukutanga chaali na havundu ichova chalangwa Havundu Hatakatifu. Mu keng'oze yicho, mwaali mu ni kinaara kandi emesa numugadi Mutakatifu.

1 Samweli 21:4

Musaalisi yavoola, “Simbeeye nimigadi ja kazozo mba, nijitali mitakase jeng'ine; unyala kujivugula niiva vasikari vovo si vaali harara navakari ku vwangu yivu mba.”

1 Samweli 21:5

Daudi yativura, “Ligali vakikiri. Avasaza va mbeeye navo vilindaa aveene kuva vatakase kali lwa kuziiza ichova ku vutumwa vwa kazozo; nasindi ing'inga yiyi lwa koveeye ku vutumwa vuduukiru!”

1 Samweli 21:6

Kunangwa musaalisi yaaha Daudi mugadi mutakatifu kigira migadi ja yaali najo jaali vuzwa migadi jahaanwa ku Nyasaye; migadi yiji jaali nijituliziywi komesa indakatifu kandi nivaviikiku jindi mihia.