Kutwula 25:18 - KITABU KITAKATIFU

¹⁸ Olombe kandi vakerubi vaviri vi zahabu yaduywa.

Kutwula 25:18 ပူးပေါင်းရင်းမြစ်များ

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

1 Kyetsinyinga 28:18

kandi kegero chi zahabu indahi itumikirwa mu lilomba uvwali vwu kusambira ku vimuli, mu lilomba amagari gi vilombe vie zimbaha ivivaambulaa zimbaha ziavio ni zikunika Lisandugu lie Lilagana lia Yahova.

2 Kyetsinyinga 3:10

Mwami Solomoni yalaga kandi avayinziri vasaza veve valombe iviroombe viviri kutura ku kivia navaka ku izahabu ma naaviviika Havundu Hatakatifu ligali.

Kutwula 25:17

“Olombe kikuniku chi zahabu indahi uvutambi vwacho vove zisendimita 110 nuvuvambalaru vove zisendimita 66.

Kutwula 25:19

Vuli kilala keve kundulu kwi kikuniku. Uvilombe vihambane kunangwa vive kikuniku kilala.

Kutwula 25:36

Na ivivula, ni zisia kandi kinaara vilava vuzwa kedonye kilala chizahabu iduyiywi.

Ezekieli 10:2

Nyasaye yavolera mundu yaali ni yiviiki inguvu yuluvaala, “Uzie hagati ha magurudumu isi wa vakerubi ma uvuguli amanda gu muliru ugasalanyie mu lidaala linene.” Ndaalora mundu uyu nazizaa.

Ezekieli 10:20

Yivi ni vilombe viveeye mwoyo iviandaali nindoli isi wa Nyasaye wa Isiraeli ha mugera gwa Kebari, kandi ndaamanya ndi vaali vakerubi.

Ezekieli 10:3

Vakerubi vaali nivasiingiyi Isavaalu wi Litembeli lwu mundu uyu yingilamu. Kandi amalesi gakunikaa mugizi gwu mugati gwi Litembeli.

Vahebraina 9:5

Igulu wi Lisandugu lia malago yilio haali ho ni vilombe vie zimbaha vimanyiaa uvukumi vwa Nyasaye vialangwa “vakerubi”, na zimbaha ziavo ziakunika havundu hi zimbavasi, hu vwoni vwasaamihirwa. Navuzwa kalunu sieveeye ing'inga yu kwivaala ivindu viosi muvutambi mba.

1 Samweli 4:4

Kunangwa vaatuma avatumwa Shilo kandi nivaleeta Lisandugu lie Lilagana lia Yahova Wanyala viosi, uwikaye ku endeve yu vwami igulu wa Vakerubi. Avayaayi va Eli vaviri, Hofini na Finiasi vaza harara ni Lisandugu lie Lilagana.