Kutwula 23:15 - KITABU KITAKATIFU

¹⁵ Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Kutwula 23:15 ပူးပေါင်းရင်းမြစ်များ

Kutwula 12:2

“Mweli gunu gulava umweli gwunyu gwukutanga ku muhiga.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 13:4

Muturaa mu Egebeti lidiku yili mu mweli gwukutanga, mweli gwa Abibu.

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 34:18

“Mulindi nu kwizuliza Lisavo liu mugadi gutaveeye mu namamera. Kuli mali kukulaga, mulalia mugadi gutaveeye mu na mamera ku madiku saba, mu mweli gwa Abibu, kigira gwaali mu mweli zana yigwo gwa mwatula Egebeti.

Kutwula 34:20

Navuzwa chatanga kwivulwa chisukiri, mulilana kukigula kandi ku lihaana kememe mu vogono vwacho. Niiva simwenya kwirana kukigula muvunanyie ligoti liacho. Mwilane kugura vuli muyaayi watanga kwivulwa. “Hatava ho nu mulala ololekaa imbiri wange nataveeye nikihaanwa mba.

Kyavalevi 23:10

avooreraa avandu va Isiraeli ndi, “Lwa mwingira mu kivala cha muheezaa muve ni ligesa liacho, muleete ku musaalisi ligesa lia makuyu gukutanga guvuswage vwa ogesaa.

Mika 6:6

Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye?

Marko 14:12

Ku lidiku liu kutanga lie Lisavo liu Mugadi gutali na mamera, ing'inga ye vimeme via magondi vie Lipasaka viitwa, aviigi veve vamuteeva, “Wenyaa kuzie kokolombera hayi ichukulia chi Lipasaka?”

Luka 2:41

Aviivuli veve vazizaa Jerusalemi mu lisavo lie Lipasaka vuli muhiga.

Luka 22:7

Lidiku lie lilia Mugadi gutali mu na mamera liaduuka lwa magondi gi Lipasaka gaduukanaa gitwi.

Vikolwa 12:3

Lwa yalora kekolwa yiki kiyaanzizi Avayuda, yazia kandi, kugumira Petero. Yaga gekolekaa mu madiku gi Lisavo lie Migadi jitaveeye mu na mamera.

Kwidzulitsa 16:16

Avasaza vosi vi ihiiri yinyu kuduuka vaze kusigamira Yahova, Nyasaye winyu haali kavaga ku muhiga havundu harara hukusigamira ha Yahova yatovola, ku ing'inga yi lisavo lie Lipasaka, lie Ligesa kandi lisavo lie Vidioli. Vuli musaza kuduuka aleete kihanwa, vataaza imbiri wa Yahova makono meere mba.

1 Samweli 6:3

Vativura, “Niiva mwiranyia Lisandugu lie Lilagana lia Nyasaye wa Isiraeli, kuduuka mulitumi ni kihanwa kuye kutungira uvwoni vwinyu. Lisandugu lie Lilagana litiirana vugira kihanwa mba. Munzira yiyi mulahonywa, kandi; mulamanya kivuni kigiraa nazizagilira kumuha amageri.”