Kutwula 13:3 - KITABU KITAKATIFU

³ Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 13:3 ပူးပေါင်းရင်းမြစ်များ

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

1 Avami 8:42

kandi vindu vinene nis viezingulu via wakolera vandu vovo, ma yaaze kukusigamira kandi kusaala ha Litembeli yili,

1 Kyetsinyinga 16:12

Mwizurizi miyinzi jo kogenya jamali kokora, vio kogenya vivie ni likalaga lia amali kovora.

Nehemia 1:10

“O, Yahova, yava vaveeye avatumikiri vovo, avandu vovo. Ivi wavahonyia ni zinguru zizio.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Zaburi 105:5

Mwizurizi vikolwa viokogenyia viamali kokora; mwizurizi vilolekizu vivie kandi likalaga lia yakalaga,

Zaburi 114:1

Lwa vandu va Isiraeli vaatura Egebeti, lwa kisukururwi cha Yakobo vaatura mu kivala chovogeni yicho,

Zaburi 136:11

Yimilira avandu va Isiraeli kutura Egebeti; kigira uvuyanzi vwivwe vuhindiraa mihiga ni mihiga.

Zaburi 136:12

Yaavimilira numukono gwigwe gwizingulu kandi ku vwami vwivwe vwizingulu; kigira uvuyanzi vwivwe vuhindiraa mihiga ni mihiga.

Zaburi 89:14

Uvulungi kandi agiligali viveeye umuse gwu vwami vuvwo; uvuyanzi vutaveeye ni keheri kandi uvusuuvirifu vilolekaa mu viosi via okolaa.

Kutwula 12:15

Yahova yavoola, “Ku madiku saba mutalia mugadi guzuganyiywi mu na mamera mba, mulie vuzwa ugutaveeye mu na mamera. Mulidiku liukutanga gamudukira mutulizi amamera goosi mu zinyumba zienyu, kigira niiva mulala ku munyi mumadiku saba yaga alalia mugadi goveeye mu na mamera, sialava mulala ku avandu vange mba.

Kutwula 12:17

Mulindi lisavo yili, kigira liali lidiku lia ndaatuliza avandu vinyu vosi mu Egebeti. Zing'inga ziosi ziza, musangaliri lidiku yili kuli lisavo.

Kutwula 12:19

Mu madiku saba, amamera gatanyooleka ku mu zinyumba zienyu mba, kigira mundu woosi wa Isiraeli noho mugeni uva nalia kizuganyiywi mu na mamera, alatulizwa hagati ha avandu va Isiraeli.

Kutwula 12:2

“Mweli gunu gulava umweli gwunyu gwukutanga ku muhiga.

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 12:42

Yivu vwali uvudiku vwa Yahova yavalinda nukuvatuliza mukivala cha Egebeti; uvudiku yivu vulava ukwizuliza Yahova ku mihiga josi jizaa kuli uvudiku vwa vandu va Isiraeli vaduukana kwizuliza nu kulinda amalago gi lipasaka lia Yahova.

Kutwula 12:8

Vudiku yivwo, zinyama kuduuka zisambwe, maziliivwi ni zinguza zinduru kandi nu mugadi gutaveeye mu na mamera.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 20:8

“Mwizurizi lidiku lie Lisabato nukulilinda kuva litakatifu.

Kutwula 23:15

Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Kutwula 3:20

Navuzwa ndatumikira zinguru ziange na ndahaana amageri ku vandu va Egebeti kulwukuvakolera vindu viukutihiza uwene yeyo. Inyima wa yaga, Mwami alamulakuula muzie.

Kutwula 34:18

“Mulindi nu kwizuliza Lisavo liu mugadi gutaveeye mu namamera. Kuli mali kukulaga, mulalia mugadi gutaveeye mu na mamera ku madiku saba, mu mweli gwa Abibu, kigira gwaali mu mweli zana yigwo gwa mwatula Egebeti.

Kutwula 6:1

Maku Yahova yavolera Musa, “Kalunu uzizaa kolola icha nziza kokora ku Mwami wa Egebeti, Ndamuniga aleke avandu vange vazie. Mugiligali, ndamuniga avakungi vatuli mu kivala chiche.”

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Kutwula 7:4

Mwami sialamuhulira mba, maku ndahana mageri ku vandu va Egebeti nokoleta maduywa malulu kuvo, kandi ndatuliza zihiiri ziange, avandu vange, avana va Isiraeli mukivala cha Egebeti nilikalaga linene.

Jeremia 34:13

Nyasaye wa Isiraeli yambolera mbolere avandu: “Inzi ndaalomba lilagana navaaguuga vinyu lwa ndaavahonyia kutura Egebeti nukuvavoholora kutura muvutugwa. Inzi ndaavavoolera ndi

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Matayo 10:12

Lwa mwingira munyumba, muchelizi aveene nyumba.

Luka 22:19

Maku yavugula kedonye chu mugadi nahaana lisandiza ku Nyasaye, nameganyia kandi navaha, navoora, “Yigu goveeye muviri gwange, [uguhaanwa kuli isadaka ku Nyasaye kigira munyi. Mukore ndio mu linzizuliza.”

1 Vakorintho 11:24

kandi lwa yamala kuhaana lisandiza ku Nyasaye, yameganyia navoora, “Yigu nu muviri gwange ogomeganyirwa munyi. Mukore ndi vuli Iwosi kunzizuliza.”

1 Vakorintho 5:8

Kunangwa gendi kolombe lisavo lie Lipasaka. Sigali nu mugadi goveeye na mamera makuulu, amamera gu vwoni kandi gu vuchamu, navuzwa nu mugadi gutaveeye mu na mamera. Mugadi gwu vusuuvirifu kandi gwiligali.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Kwidzulitsa 13:10

Mulamulasa magina kuduuka akuze! Yageriza kumwimilira muturi ku Yahova Nyasaye winyu, uwamuhonyia kutura Egebeti, uwa mwaali avatugwa.

Kwidzulitsa 13:11

Maku avandu vosi va Isiraeli valahulira agekoleka; na valatia ligali, kandi sihalava ho numulala hagati hinyu uwilana kokora kindu kidamanu kuli yiki kandi mba.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 13:6

“Kali amwavo woovo anoho mwana muyaayi anoho mukaana woovo anoho mukali wa wayanza, anoho mulina woovo wa ahimbi ligali alakogonya musigamiri vanyasaye vandi mu vwivisu, avanyasaye vamunyi anoho vaguuga vinyu vavura kusigamira,

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 16:1

“Mulindi mweli gwa Abibu, kandi muve ni lisavo lie Lipasaka lia Yahova Nyasaye winyu, kigira mweli gwa Abibu lwa Yahova Nyasaye winyu yamutuliza mu kivala cha Egebeti mu ing'inga yu vudiku.

Kwidzulitsa 16:12

Mwizurizi ndi mwaali avatugwa mu Egebeti; muhenze vulahi malago yaga goosi.

Kwidzulitsa 16:3

Lwa muva nimulizaa chukulia yiki, mutalia harara nu mugadi gwalomberwa mu mamera mba. Ku madiku saba kuduuka mulie mugadi gutaveeye mu na mamera, kuli mwakora lwa mwatula Egebeti mu lididikana kuli yilio. Mulie mugadi yigu, kigira gulalangwa mugadi gwu vusaliri, kunangwa ku madiku ga muveeye mwoyo, mwizurizi lidiku lia mwatula Egebeti, kivala chuvusaliri.

Kwidzulitsa 24:18

Mwizurizi kumanya ndi mwaali avatugwa mu Egebeti, kandi Yahova Nyasaye winyu yamuvoholora kutura yo. Yicho nicho kigira nimuha lilaga yili.

Kwidzulitsa 24:22

Mutiviliri ndi mwaali avatugwa mu Egebeti mba. Yiki nicho kigiri inzi mali kumuha lilago yili.

Kwidzulitsa 26:8

Kuzinguru zizie zinene kandi zinguru ziu kulwaana, yakohonyia kutura Egebeti. Yakola vilolekizu niviokogenyia, kandi naakora vindu viukutihiza.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.

Kwidzulitsa 5:6

‘Inzi mbeeye Yahova Nyasaye woovo wa muletaa kutura mu kivala cha Egebeti, wa mwaali vatugwa.

Kwidzulitsa 6:12

Mukore ndio kunangwa muvuli kwivilira Yahova uwamuhonyia kutura mu kivala cha Egebeti, wa mwaali avatugwa.

Kwidzulitsa 6:21

Hene yaho mulavavolera ndi, ‘Kwaali avatugwa vu mwami wa Egebeti na Yahova yakohonyia ni zinguru zizie zinene.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Kwidzulitsa 9:12

“Kunangwa Yahova yambolera, ‘Singira wiki hasi hi kiguru vwangu, kigira avandu vovo va wimiliraa Egebeti veyonogonyi kandi vakoli uvudamanu. Vagirung'ani koleka gandavalaga kandi velombeeye aveene kifananyi.’

Joshua 24:17

Yahova Nyasaye witu yaleeta avababa viitu nikunyi kutura Egebeti uwakwaali avatugwa, kandi kwalola vilolekizu via yakola uwene yeyo. Yakulinda vulahi hoosi ha kwazia hagati he zihiiri zia kwavitira mu.

Vakalagi 2:12

valeka kusigamira Yahova Nyasaye wa vaguuga vaavo, uwaali niyavaleeta kutura mu kivala cha Egebeti; vatanga kusigamira vanyasaye va vandu vaali ahimbi kuvo. Vaavinamira ni vakora Yahova kuva nu vutima.

Vakalagi 6:8

Yahova yavatumira umuporofeti uwavoola, “Yaga nigo ga Yahova, Nyasaye wa Isiraeli avoora: Inzi ndaamutuliza Egebeti kutura mu kivala chu vutumwa.