Kohelethu 4:8 - KITABU KITAKATIFU

⁸ Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Kohelethu 4:8 ပူးပေါင်းရင်းမြစ်များ

Litanga 2:18

Maku Yahova Nyasaye yavoola, “Si voveeye vulahi umundu komenya yeng'ine mba. Inzi ndamulombera mukonyi udukana naye.”

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Zaburi 39:7

O, Yahova, navuzwa kalunu, lisuuvira liange liveeye ku ivi.

Tsing'ano 27:20

Liegomba liu mundu liveeye kuli kivala cha vakuzu; liegomba si liheraa mba.

Kohelethu 1:13

Ndaatovora ndi ndahenzeriza kandi ndenyeleriza no vogeri vwange vindu viosi viekoleka mu kivala yiki. Yigu nu muyinzi mudinyu gwa Nyasaye amali kuviika ku vandu.

Kohelethu 1:8

Vindu viosi viluhi, liluha linene ligali liu mundu anyala kuvula kovora. Zimoni si ziluhaa kolola mba, kinga matui si gizuraa lihulira mba.

Kohelethu 2:21

Mundu ayinziraa vudinyu novogeri vwivwe vwosi, kandi limanya lilie liosi, navuzwa inyima alekera mundu wundi vindu viosi, mundu uvuli kuyinziraku kali hakuzu. Yaga goosi gaveeye vuzwa, kandi vudamanu ligali!

Kohelethu 2:23

Madiku goosi gu mundu amenyi mu kivala, vuli kindu choosi chakolaa keletaa lihenda mwoyo kandi vuzunu. Kali vudiku, zing'anagani zizie si zisosaa mba. Yaga goosi gaveeye vuzwa.

Kohelethu 4:7

Kandi mali kolola kindu kindi mu limenya liu mundu ekeveeye vuzwa mu kivala.

Kohelethu 5:10

Niiva wayanza mabese, si galakuduuka mba; niwegombaa kuva mutugi, si ulanyora viosi via wenya mba. Viosi viveeye vuzwa.

Kohelethu 5:9

Kali mwamihi amenyaa kigira ligesa litulaa mu milimi.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.